November 29, 2020
Politiki

Twiyame abantu bose bashaka gukoresha ibi bibazo byo kwimura abantu babihindura imikino-Prof Shyaka

Minisitiri w’ubutegetsi bw’igihugu Prof Shyaka Anastase yiyamye abajya mu mutwa y’abanyarwanda bari kwimurwa mu bishanga no mu manegeka bigaragara ko aho hashyira ubuzima bwabo mu kaga avuga ko abari gushuka abo bantu bagiye gufatirwa ingamba.

Ibi yabitanga kuri uyu wa Kane tariki 26 Ukuboza 2019 mu kiganiro n’itangazamakuru cyari kitabiriwe n’abandi bayobozi batandukanye barimo Minisitiri W’ubutegetsi bw’igihugu, Prof Shyaka Anastase,Minisitiri w’ibikorwa remezo,Ambasaderi Gatete Claver,Umuyobozi w’umujyi wa Kigali, Pudence Rubingisa n’abandi batandukanye ubwo batangazaga ibyangijwe n’imvura yaguye ejo ku wa Gatatu tariki 25.

Hashize iminsi Leta y’u Rwanda itangije igikorwa cyo gutabara Abanyarwanda himurwa abatuye mu bishanga kugira ngo hirindwe ibiza biterwa n’imvura ishobora guhitana abatari bake mu baba batuye muri ibyo bishanga.

Minisitiri shyaka yavuze ko ari n’amahire kuba Leta yaratangiye iki gikorwa kuko magingo aya, iyo imvura ijya kugwa ikabasanga mu bishanga haba hari kuvugwa ibindi.

Yasabye Abanyarwanda guhungira kure ibishanga kuko byashyira ubuzima bwabo mu kaga ndetse ababwira ko bagomba kwirinda abantu bari kubashuka babumvisha uburyo Leta iri kubimura ku zindi mpamvu zitabafiye akamaro.

Ati :”Ni ukubasaba rwose ibishanga bakabihungira kure cyane cyane mu mijyi.Icya kabiri ni no kubasaba kutumva amabwire y’ababashuka ko ari Leta ishaka kubimura ni ugukiza ubuzima bwabo.icya gatatu ni no kubwira abakoresha ibi biza mu mvugo zidahwitse za politike no gushakira ibi bazo aho bitari,nyabuneka bere gushinyagurira abanyarwanda“.

Akomeza agira ati :”Ntabwo dukunda guterana nabo amagambo ariko ngira ngo mujya mubumva.Twagiraga ngo rwose  twiyame abantu bose bashaka gukoresha ibi bibazo babihindura imikino yo gushaka kuvugira ku mubyimba Abanyarwanda,…..gushakisha abo bongorera mu matwi  ngo bavuge ko basenyewe ngo basubire mu bitongo  bagasubirayo kandi mu by’ukuri abenshi bahawe n’inkunga ibafasha”.

Ati :”Ibyo ni ukuyobya abaturage ugamije kubagumura ibyo nabyo turaza kubifatira gahunda yabyo ariko ik’ibanze ikituraje ishinga ni ukugira ngo hatagira undi munyarwanda haba mu mujyi wa kigali cyangwa ahandi iyi mvura yaza kwambura ubuzima kandi bigaragara ko atuye mu bishanga cyangwa ahandi itamusiga“.

Yasabye abanyarwanda cyane cyane ko bafatanya na Leta ndetse n’inzego z’umutekano gukora uko bishoboka hakajyaho ibikorwa byifashishwa mukwirinda ibiza biterwa n’imvura kugira ngo hirindwe ingaruka mbi ziterwa nabyo.

Imvura yaguye ejo kuri Noheli yahitanye abantu 12 mu gihugu hose, inzu 113 zarasenyutse naho hegitari 49 z’imyaka zangizwa n’amazi.Usibye abantu n’imirima y’imyaka,ibiza by’imvura kandi byangirije inganda z’amazi zirimo urwa Kimisagara n’urwa Nzove zose zigaburira Umujyi wa Kigali zahagaze gukora biturutse ku kwandura kw’amazi.

Minisitiri w’ibikorwa remezo Ambasaderi Gatete Claver(Ibumoso),Minisitiri w’ubutegetsi bwi’igihugu,Prof Shyaka Anastase(hagati) n’umuyobozi w’umujyi wa Kigali Pudence Rubingisa
Abayobozi babwiye abanyamakuru ibyo imvura yaraye iguye yangije ndetse n’icyo leta iteganya mu rwego rwo gukiza ubuzima bw’abanyarwanda batuye mu bishanga no mumanegeka muri ibi bihe by’imvura

Niwemubyeyi Valantine /IGIRE.RW

Related posts

Igisirikare cy’u Rwanda cyafashe Abarwanyi 19 ba Red-Tabara

Chief Editor

Mu buyobozi bw’iki gihugu twemera amabwiriza ya siyansi kurusha indagu n’ubupfumu-Perezida Kagame

Chief Editor

Imba mutima z’Abanyarwandakazi bari mu butumwa bw’amahoro ku isi nuko binjiye muri uyu mwuga

Chief Editor

Leave a Comment