November 27, 2020
Hanze

Covid19:Inama y’abakuru b’ibihugu bya EAC yasubitswe

Inama yari iteganyijwe kuri uyu wa Gatatu tariki 15 Mata 2020, igomba guhuza Abakuru b’ibihugu bigize Umuryango w’Afurika y’Iburasirazuba (EAC) biga ku cyorezo cya Koronavirusi  (COVID-19) yasubitswe.

Nk’uko bigaragara ku itangazo ryashyizweho umukono na Minisitiri w’Ububanyi n’Amahanga w’u Rwanda akaba n’Umuyobozi w’Inama y’Abaminisitiri ba EAC, Dr Vincent Biruta, iyo nama  yagombaga gukorwa mu buryo bw’ikoranabuhanga ry’amashusho (Video Conference) yasubitswe ku busabe bwa Sudani y’Epfo .

Iyi nama idasanzwe isubitswe mu gihe mibare yaraye itangajwe yerekana ko  abatahurwaho COVID-19 bakomeza kwiyongera mu  bihugu bigize uyu muryango, nubwo imbaraga zashyizwe mu guhashya icyo cyorezo zitanga umusaruro aho abarwayi bamwe baratangiye gukeira bagasezererwa mu bitaro.

Mu Rwanda hamaze gutahurwa abarwayi 134  barimo 49 bakize, muri Uganda 55 barimo  8 bakize, Kenya 216 barimo  41 bakize n’ikenda bamaze gupfa, mu Burundi 5 barimo umwe cyahitanye, Tanzania 53 batahuwe barimo 7 bakize na 3 bapfuye, na ho Sudani y’Epfo yo ifite 4 bamaze gutahurwa .

Ibihugu bitaragaramo umuntu n’umwe wishwe n’icyo cyorezo ni u Rwanda, Sudani y’Epfo na Uganda.

Itangazo rivuga ko itariki nshya Abakuru b’ibihugu bya EAC izatangazwa nyuma.

Ibihugu biherutse kwemeza ko urujya n’uruza muri ibi bihugu rwakomeza hagakurikizwa amabwiriza yo kwirinda ikwirakwizwa ry’icyo cyorezo, mu nama yahuje Abaminisitiri w’Ubuzima muri EAC,  ab’Ubucuruzi, abashinzwe Ubutwererane bw’Ibiguhugu bigize Umuryango w’Afurika y’Iburasirazuba (EAC), n’Abanyamabanga ba Leta muri Minisiteri z’Ububanyi n’Amahanga tariki ya 25 Werurwe 2020.

Related posts

AU igiye gupima umuti uvura covid19 wakozwe na Madagascar

Chief Editor

Uganda:Padiri n’ababikira babiri batawe muri yombi bazira kurenga ku mabwiriza ya Museveni

Chief Editor

Ubuyobozi bwa UNMISS bwababajwe bikomeye n’urupfu rwa PC Mbabazi Enid

Chief Editor

Leave a Comment