November 29, 2020
Udushya

Covid19:Yatawe muri yombi azira kunyuruza umukunzi we akamutwara muri ‘boot’ y’imodoka

Polisi y’Afurika y’epfo yataye muri yombi umugabo ishinja “kunyuruza umukunzi we w’umukobwa” arenze ku mategeko y’ibihe bidasanzwe yo kuguma mu rugo.

Umutegetsi wo mu ntara ya Gauteng iri mu majyaruguru ashyira uburasirazuba bw’igihugu avuga ko uwo mugabo yari atwaye umukunzi we ahajya imizigo inyuma mu modoka.

Faith Mazibuko yanditse kuri Twitter ko uwo mugore yasanzwe muri ‘boot’ y’iyo modoka ubwo yari ihagaritswe kuri bariyeri (barrière) ku wa gatanu.

Yongeyeho ko umushoferi, utari ufite uruhushya rwo gutwara imodoka, yerekezaga mu ntara ya Mpumalanga mu burasirazuba bw’igihugu.

Kuri Twitter, Madamu Mazibuko yanavuze ko uwo mugore na we yatawe muri yombi ashinjwa “kwemera kunyuruzwa”.

Uwo mugabo n’umukunzi we ntacyo baratangaza ku byo bashinjwa.

Ku itariki ya 24 y’ukwa gatatu, Afurika y’epfo yashyizeho ibihe bidasanzwe by’akato bimara ibyumweru bitatu, ariko abategetsi bongereye icyo gihe kugera mu mpera y’uku kwa kane.

Ingendo z’imbere mu gihugu zaragabanyijwe bikomeye, aho abemerewe gusa kugira aho bajya ari abari ku rutonde rw’abatanga serivisi za nkenerwa cyane mu buzima busanzwe.

Kugeza kuri uyu wa mbere, muri iki gihugu habarurwa abantu 3,158 bemejwe ko banduye coronavirus, bakaba ari bo ba mbere benshi banduye muri Afurika.Muri abo, 54 imaze kubica, nkuko imibare ya Kaminuza ya Johns Hopkins yo muri Amerika ibigaragaza.

Related posts

Umukobwa w’imyaka 16 yavuze uburyo nyina yamutegetse gusambana n’abagabo 27

Chief Editor

Igitangaza!:Twitter yafashije Umunyarwandakazi kongera guhura n’abo mu muryango we nyuma y’imyaka 26

Chief Editor

Umukobwa w’imyaka 13 yibarutse umwana inda avuga ko yatewe n’umuhungu w’imyaka 10 y’amavuko

Chief Editor

Leave a Comment