November 24, 2020
Hanze

Burundi:MSPLS yatangaje abrwayi bashya batanu ba coronavirus

Itangazo ryasohowe na minisiteri y’ubuzima bw’abantu no kurwanya SIDA( MSPLS) , rivuga ko abantu batanu basanzwemo icyorezo cya coronavirus mu bipimo 198,bose hamwe mu gihugu bakaba bamaze kuba abantu 11.

Iri tangazo rivuga abo bantu babonetse mu bantu 198 bapimwe bazwiho ko bahuye n’abandi barwayi batanu basanzwemo iki cyorezo mu minsi ishize.

Kugeza ubu abantu 11 nibo bamaze kumenyekana ko banduye covid19 kuva umuntu wa mbere atangajwe ko yanduye muri icyo gihugu.

MSPLS itangaza ko igikomeje igikorwa cyo gushakisha abantu bahuye n’abo barwayi bashya basanzwemo covid19 mu rwego rwo kumenya abandi baba baranduye.

Hagati aho, iyi minisiteri ntiyatanze umwidondoro w’abo bantu bashya banduye Covid-19.

Busaba abanyagihugu gukomeza gukurikiza imabwiriza yo kwikirinda no kurinda abandi icyo cyorezo gihangayikishije isi nzima.

Ibiro bya minisiteri bivuga ko ba barwayi batanu ba mbere batangiye gufatwa na covid19,bapimwe ku matariki ya 18 na 19 z’uku kwa kane bagasanga nta virus bagifite, bakaba bahawe uruhushya rwogusubira mu miryango yabo kuri uyu wa kabiri tariki 21 Mata.

Icyorezo cya coronavirus cyatangiye kumenyekana ko cyageze mu Burundi ku wa 31 Werurwe 2020.

Kugeza ubu mu Burundi nta mategeko abuza abantu gusohoka arafatwa nk’uko bimeze mu bindi bihugu byo mu karere, usibye guha amabwiriza abaturage yo kugira isuku.Amashuri n’insengero ziracyakomeza ibikorwa byazo byo guterana nk’uko bisanzwe.

Ingendo z’indege zitwara abagenzi nizo zahagaritswe, imipaka nayo irafunze ku rujya n’uruza.

Kugeza ubu Afurika niyo igaragaramo abanduye coronavirus bake ugereranyije n’iyindi migabane, ariko hakaba ubwoba ko mu minsi uyu mugabane ushobora kuzaba igicumbi cyayo.

 

Related posts

Tanzania:Umuntu wa mbere yishwe na coronavirus

Chief Editor

Burundi:Niki Perezida Ndayishimiye agiye guhita akora nyuma yo kurahira mu gihe igihugu kiri mu byishimo n’amarira?

Chief Editor

Impanga zavutse ku matariki atandukanye mu myaka itandukanye

Chief Editor

Leave a Comment