December 3, 2020
Hanze

Uganda:Umurundi bamusanzemo coronavirus aturutse muri Tanzania

Minisiteri y’ubuzima muri Uganda yatangaje ko habonetse umuntu mushya wanduye coronavirus, ivuga ko uyu ari Umurundi w’imyaka 46 w’impunzi wageze muri Uganda avuye muri Tanzania.

Iyi minisiteri ivuga ko uyu yari yashyizwe mu kato mu karere ka Rakai, akarere kari mu majyepfo ya Uganda gahana imbibi n’intara ya Kagera ya Tanzania.

Nta makuru arambuye yatanzwe na minisiteri y’ubuzima kuri uyu muntu mushya basanzemo coronavirus muri Uganda.

Ntibizwi neza niba uyu muntu w’impunzi yarageze muri Uganda avuye mu nkambi y’impunzi muri Tanzania, ahari impunzi z’Abarundi zirenga ibihumbi 100.

Imiryango mpuzamahanga itandukanye yagiye itangaza impungenge ifite mu gihe iki cyorezo cyagera mu nkambi z’impunzi ziri mu bihugu bitandukanye muri Afurika.

Leta ya Uganda yafashe ingamba zo gusubiza iwabo abantu batari abaturage ba Uganda basanzemo iki cyorezo, hari abashoferi b’amakamyo babiri basubijwe iwabo muri Kenya na Tanzania.

Kugeza ubu, abantu 56 nibo bamaze kumenyekana ko banduye coronavirus muri Uganda, minisiteri y’ubuzima ivuga ko 38 muri bo bakize.

Mu Burundi, minisiteri yaho y’ubuzima iheruka gutangaza ko ku bantu batanu(5) bari baranduye coronavirus mu Burundi, bane bari barwaye bakize, mu gihe undi umwe we yapfuye.

Related posts

Covid19:Inama y’abakuru b’ibihugu bya EAC yasubitswe

Chief Editor

RDC:Undi muyobozi ukomeye mu iperereza ry’igisirikare yasanzwe yapfuye

Chief Editor

Inzige zamaze kugera muri Sudani y’Epfo

Chief Editor

Leave a Comment