November 29, 2020
Imikino

Kenya:Ikipe ya Gor Mahia yahawe igikombe cya Champiyona kubera covid19

Ikipe ya Gor Mahia yo mu gihugu cya Kenya yahawe igikombe cya shamipiyona yo muri iki gihugu y’umwaka w’imikino  2019/2020 bitewe n’icyorezo cya Coronavirus cyahagaritse imikino ku isi yose.

Ishyirahamwe ry’umupira w’amaguru muri Kenya (FKF) ryafashe umwanzuro wo gutanga igikombe cya shampiyona 2019/2020 bavuga ko nta cyizere cy’uko shampiyona izakomeza kubera Coronavirus.

Ikinyamakuru Goal gitangaza ko Umuyobozi wa FKF, Nick Mwendwa, yandikiye Impuzamashyirahamwe ku mugabane wa Afurica CAF ayimenyesha ko Gor Mahia izahabwa igikombe.

Mu kiganiro yagiranye Goal.com dukesha iyi nkuru yagize ati” Ni gute wapanga imikino 10 cyangwa 11 yari isigaye mu gihe tutazaba dukina umupira mu kwezi kwa Gatanu n’ukwa Gatandatu ? Ntibizashoboka ”

Akomeza agira ati” Abakinnyi bari mu rugo ntibaza ku bibuga ngo bitoze, ni gute wabona iminsi wakiniramo iyi mikino ? Gor Mahia igomba guhabwa igikombe cya shampiyona 2019/2020. Tuzatanga izina ryayo muri CAF ku wa Gatanu w’iki cyumweru nta mpaka zigomba kuri iyi ngingo rwose”

Uretse Gor Mahia yahawe igikombe ikipe ya Nairobi City Stars ya mbere mu cyiciro cya kabiri na Bidco United ya kabiri zazamuwe mu cyiciro cya mbere.

Ikipe ya 16 mu cyiciro cya mbere izakina kamarampaka n’iya gatatu mu cyiciro cya kabiri Vihiga united kugira ngo haboneke iyiyongera kuyazamutse

Shampiyona muri Kenya yahagaze igeze ku munsi wa 23 ku rutonde rwa shampiyona Gor Mahia iri ku mwanya wa mbere n’amanota 54 ikurikiwe na Kakamega Homeboyz ifite amanota 47.

Kuri ubu amakipe abiri ariyo Chemel na Sonny Sugar zigomba kumanuka mu cyiciro cya kabiri.

 

Related posts

Imyanzuro y’inama y’igitaraganya yahuje ubuyobozi bwa Rayon Sports n’abakinnyi bayo

Chief Editor

Umuyobozi wa Skol yavuze ko Perezida wa Rayon Sports nta ndangagaciro agira mu byo akora

Chief Editor

…iyo dutwara igikombe ntituba turi mu bibazo turimo uyu munsi..)-Munyakazi Sadate

Chief Editor

Leave a Comment