November 28, 2020
Hanze

Madagascar :Perezida Rajoelina yatangaje ko bagiye kugerageza urukingo rwa Covid19

Perezida wa Madagascar, Andry Rajoelina yatangaje ko iki gihugu kigiye gutangira kugerageza urukingo rwa coronavirus rukoze mu cyatsi cya Artemisia nyuma y’uko iki gihugu gikoze umuti uyivura.

Perezida Rajoelina yavuze ko iryo gerageza rizatangira mu cyumweru gitaha.Yashishikarije kandi abaturage ba Madagascar gutera iki giti cya artemisia.

Rajoelina yavuze ko ari kuvugana n’abahanga muri siyansi bo muri Amerika bazafasha muri ubwo bushakashatsi.

Artemisia niyo yakozwemo umuti witwa Covid-Organics, Rajoelina akaba yavuze ko iki gihugu kiri gusaba ishami ry’umuryango w’abibumbye rishinzwe ubuzima ku isi, OMS/WHO, ngo ryemeze uwo muti.

Mu itangazo rya OMS, rivuga ko itaremera “uburyo bwo kwivura hakoreshejwe imiti iyo ariyo yose…mu gukingira cyangwa kuvura Covid-19”.

Covid-Organics, umuti wakozwe muri Madagascar umaze koherezwa mu bindi bihugu bya Afurika byawutumije birimo Guinea-Bissau na Equatorial Guinea.

Perezida John Magufuli wa Tanzania nawe yavuze ko bazohereza indege muri Madagascar ikabazanira kuri uwo muti.

Leta zunze ubumwe za Amerika, ziheruka kwemeza umuti witwa remdesivir ubusanzwe wakorewe kuvura Ebola, ko ari umuti wakoreshwa mu kuvura Covid-19.

Kugeza ubu, iki cyorezo nta muti wemewe n’urwego rushinzwe ubuzima ku isi uraboneka.

 

Perezida Rajoelina yavuze ko iryo gerageza rizatangira mu cyumweru gitaha

Related posts

Ubufaransa:Ubujurire ku kirego cy’ihanurwa ry’indege ya Perezida Habyarimana bwongeye guteshwa agaciro

Chief Editor

Imbwa ya mbere ku isi basanzemo indwara ya coronavirus yapfuye

Chief Editor

Uganda:Umuntu wa kabiri yishwe na covid-19

Chief Editor

Leave a Comment