December 3, 2020
Ubuhinzi

Niger yiyongereye ku bindi bihugu byakiriye umuti uvura covid19 wo muri Madagascar

Abategetsi muri Niger ejo kuwa kabiri bakiriye umuzigo wa Covid Organics, umuti leta ya Madagascar ivuga ko uvura coronavirus.

Umwe mu bakozi ba minisiteri y’ubuzima yaho yabwiye BBC ko uyu muti wakiriwe na Ismagail Annar umuyobozi muri minisiteri y’ubuzima nk’impano yoherejwe na Madagascar.

Uwo muti upfunyitse mu mashashi urahita uhabwa “abantu 900; muri abo 300 ni abarwaye naho 600 barawufata nko kubakingira” – ni ibivugwa n’uyu mukozi wa minisiteri y’ubuzima.

Kuva iki cyorezo cyagera muri Niger, abantu 755 nibo bayanduye naho 37 yarabishe.

Mu bo iyi ndwara yishe muri iki gihugu harimo uwari minisitiri w’umurimo Mohamed Ben Omar wapfuye ku cyumweru.

Covid-Organics ni umuti ukoze mu kimera kitwa Artemisia, ikimera gisanzwe gikoreshwa mu kuvura malaria, kivangwa n’ibindi bisanzwe bimera muri Madagascar mu gukora uyu muti.

Perezida Andry Rajoelina wa Madagascar yemeza ko uyu muti uvura iyi ndwara yo mu myanya y’ubuhumekero, iterwa n’ubwoko bushya bwa coronavirus.

Ishami ry’umuryango w’abibumbye rishinzwe ubuzima ku isi, OMS/WHO, riburira abantu kwirinda gukoresha imiti itarapimwe.

Mu itangazo OMS yasohoye, ivuga ko “Abanyafurika bakwiye kubona imiti yabanje guca mu mageragezwa nyayo kabone niyo yaba ari imiti gakondo”.

Uretse Niger yakiriye uyu muti ejo, Guinea-Bissau na Equatorial Guinea mu cyumweru gishize nabyo byakiriye kuri uwo muti.

Leta za Tanzania na Liberia nazo zivuga ko zasabye Madagascar kubaha kuri uwo muti.

Umuryango w’ubumwe bwa Afurika wasohoye itangazo rivuga ko uri gusaba amakuru arambuye Madagascar ngo upime niba uyu muti ntacyo utwaye kandi uvura coronavirus koko.

OMS ivuga ko kugeza ubu nta muti cyangwa urukingo bya coronavirus biraboneka.

Related posts

Meddy reveals his favorite song

admin

ICT-based service delivery on the rise in the Southern Region

admin

Rwandan prison breaker boasts of bliss life in foreign land

admin

Leave a Comment