November 28, 2020
Hanze

Malawi:Urukiko rw’ikirenga rwatesheje agaciro intsinzi ya Perezida Peter Mutharika mu matora

Urukiko rw’ikirenga mu gihugu cya Malawi rwatesheje agaciro intsinzi ya Arthur Peter Mutharika ku mwanya wa Perezida nyuma y’amatora yabaye mu mwaka ushize wa 2019.

Ibi urukiko rw’ikirenga ruvuga ko rwemeranya neza n’urukiko rushinzwe kurengera itegeko nshinga ko Perezida Peter Mutharika atatsinze amatoro y’umukuru w’igihugu cya Malawi yabaye tariki 21 Gicurasi umwaka ushize wa 2019.

Umucamanza Frank Edgar Kapanda yavuze ko urutonde rw’itora rwakoreshejwe umwaka ushize rugomba gukoreshwa mu matora mashya.

Urukiko rw’Ikirenga kandi rwemeje iminsi 150 yo gukora andi matora mashya.

Urukiko rwibajije ku myitwarire ya komisiyo itegura amatora muri iki gihugu (Mec)yajyanye Leta mu manza haba mu Rukiko Rushinzwe Kurinda Iremezo ry’Itegeko Nshinga ndetse no mu Rukiko rw’Ikirenga, ruvuga ko muri uru rwego hari byinshi rbikeneye kunozwa mu myitwarire yarwo.

Kuri ubu Urukiko rw’ikirenga rwategetse ko komisiyo ishinzwe amatora  yishyura amagarama y’urubanza Chilima na Chakwera haba mu Rukiko rw’Ikirenga ndetse no mu Rukiko Rushinzwe Kurinda Iremezo ry’Itegeko Nshinga.

Perezida Arthur Peter Mutharika w’imyaka 79 yatangiye kuyobora Malawi guhera tariki 31 Gicurasi 2014.

Related posts

Burundi:Niki Perezida Ndayishimiye agiye guhita akora nyuma yo kurahira mu gihe igihugu kiri mu byishimo n’amarira?

Chief Editor

U Bwongereza:Abantu 47 n’imiryango ibiri bafatiwe ibihano n’imitungo yabo irafatirwa

Chief Editor

USA:Amafarumasi yo muri leta ya New York yemerewe gupima coronavirus

Chief Editor

Leave a Comment