November 27, 2020
slider Ubuzima

Covid19:Mu Rwanda abantu 10 bakize covid19

Minisiteri y’Ubuzima yatangaje ko kuri uyu wa Mbere tariki 11 Gicurasi 2020 habonetse umurwayi mushya umwe wa COVID-19 ndetse n’abagera ku 10 barakira.

Nyuma y’uko umuntu umwe abonetse uyu munsi,byatumye abamaze kuboneka mu Rwanda banduye covid19 bose hamwe baba 285.

Uwo muntu umwe yabonetse mu bipimo 380 byafashwe uyu munsi, ibipimo byose hamwe bimaze gufatwa bikaba ari 42,805 ari na byo byabonetsemo abarwayi 285.

Itangazo rya Minisante  riravuga ko abantu 10 bari barwaye COVID-19 bakize kuri uyu wa mbere, abamaze gukira bose hamwe bakaba bageze ku 150.

Abakirwaye COVID-19 mu Rwanda ni 135, kugeza kuri uyu wa mbere icyo cyorezo kikaba nta muntu kirahitana mu Rwanda.

Ingamba zo kwirinda coronavirus zirakomeje aho abanyarwanda basabwa gukurikiza amabwiriza yashyizweho mu rwego rwo kwirinda Icyo cyorezo. Izo ngamba zirimo; kwambara agapfukamunwa,gusiga intera ya metero hagati y’umuntu n’undi, gukaraba intoki n’amazi meza n’isabune kenshi gashoboka ndetse n’izindi.

 

Related posts

Muhumuza Richard wagizwe Umucamanza mu Rukiko rw’Ikirenga ni muntu ki?

Chief Editor

Kayonza:Abatujwe mu nzu izwi nka 2 in 1 bavuga ko basezeye kongera kwicwa n’imbeho yari yarabazonze

Chief Editor

Ibyemezo by’inama y’abaminisitiri idasanzwe yateranye kuri uyu wa Gatatu tariki ya mbere Mata 2020

Chief Editor

Leave a Comment