November 25, 2020
Politiki slider

Perezida Kagame yasuye ibice biherutse kwibasirwa n’ibiza nyuma y’ubutumwa yohereje[Amafoto]

Perezida wa Repubulika y’u Rwanda Paul Kagame yasuye ikiraro cya Giciye mu Karere ka Nyabihu mu Ntara y’Uburengerazuba giheruka kwangizwa n’imvura idasanzwe yaguye mu ijoro rishyira tariki 7 Gicurasi 2020.

Icyo kiraro Perezida Kagame yasuye kuri uyu wa Gatandatu tariki ya 16 Gicurasi 2020 giherereye mu Murenge wa Shyira, ubu cyatangiye kongera gusanwa mu rwego rwo gufasha abaturage b’abanyamaguru kubasha kugera ku Bitaro bya Shyira na byo biherereye muri ako gace.

Imvura idasanzwe yaguye mu ijoro ryo ku wa 6 rishyira ku wa 7 Gicurasi, bivugwa ko yasenye inzu zirenga 500 mu gihugu hose, yangiza imyaka, ibikorwa remezo birimo ibiraro bitanu, ndetse itwara  ubuzima bw’abantu 72.

Mu minsi ishize ba Minisitiri basuye ibi bice,batangaza ko bazaniye abaturage bahuye n’ibibazo byatewe n’ibiza,ubutumwa bw’ihumure bwa Perezida wa Repubulika Paul Kagame.

Leta y’u Rwanda ikomeje kugoboka abaturage bagizweho ingaruka n’ibiza mu bice bitandukanye by’Igihugu bahabwa ubufasha bw’ibanze burimo ibiribwa bitandukanye, ibikoresho by’isuku n’ibindi.

Related posts

Gutwara abagenzi kuri moto byemejwe kandi birahita bitangira gushyirwa mu bikorwa uretse Rusizi na Rubavu

Chief Editor

#Kwibuka26:Tariki 12 Mata umunsi utazibagirana mu mitima y’abarokokeye kuri kiliziya ya Mukarange

Chief Editor

Minisitiri Uwizeyimana Evode yasabye imbabazi umukobwa w’umusekirite yakubise hasi

Chief Editor

Leave a Comment