November 30, 2020
Hanze

Perezida Trump yatangaje umuti akoresha nk’urukingo rwa coronavirus

Perezida Donald Trump wa Amerika yavuze ko amaze iminsi afata iminti ya hydroxychloroquine mu kwirinda kwandura coronavirus, nubwo bwose abashinzwe ubuzima bavuga ko iyi miti ishobora kutaba myiza.

Mu kiganiro n’abanyamakuru mu biro bye,Trump yavuze ko vuba aha aribwo yatangiye iyi miti – ubusanzwe ikoreshwa mu kuvura malaria.

Ati: “Hashize nk’icyumweru n’igice nyifata kandi murabona ko ngihari, ndacyahari”.

Nta makuru yagaragajwe ko imiti ya hydroxychloroquine ishobora gukumira coronavirus nubwo ubushakashatsi bukiri gukorwa.

Gusa ibihugu bimwe na bimwe ku isi byemeje ko ariyo bikoresha mu kuvura abarwayi ba coronavirus.

Mu Rwanda, ikigo gishinzwe kwemeza ubuziranenge bw’imiti n’ibiribwa cyabujije abantu kuyikoresha mu buryo butemewe.

Trump w’imyaka 73 yabwiye abanyamakuru ati: “Mwatungurwa no kumenya umubare w’abantu bayikoresha, cyane cyane abaganga bari kuvura iki cyorezo, benshi, benshi bari kuyifata, nanjye ni uko byagenze”.

Abajijwe kwerekana ibimenyetso ko uyu muti ukora,Trump yagize ati: “Ikimenyetso cyanjye ni iki: Benshi barampamagara bambwira ibyiza byawo”.

Nubwo hari abakozi bo mu biro bye basanzemo iyi ndwara, Trump nanone yavuze ko we nta bimenyetso byayo afite kandi ayisuzumwa kenshi.

Dr Sean Conley umuganga wa perezida wa Amerika, yasohoye itangazo rivuga ko Bwana Trump “afite ubuzima bwiza” kandi “nta kimenyetso cy’uburwayi afite”.

Yongeyeho ko nyuma y’ibiganiro yagiranye na Trump ku byiza n’ingaruka zo gukoresha hydroxychloroquine, “twanzuye ko ubushobozi bwawo mu kuvura buruta ingaruka wagira”

Ikigo gishinzwe ibiribwa n’imiti cya Amerika (FDA) mu kwezi gushize cyatangaje ko hydroxychloroquine “itagaragaje ko ari nziza cyangwa se ivura”.

Iki kigo kivuga amakuru y’uko uyu muti ushobora guteza ibibazo mu gutera k’umutima ku barwayi ba Covid-19.

Muri Amerika, abantu barenga miliyoni 1,5 banduye Covid-19 naho abarenga 90,000 yarabishe.

Ku byatangajwe na Trump, Madamu Nancy Pelosi ukuriye inteko ishinga amategeko (Congress) yabwiye CNN ati:

“Ni perezida wacu kandi numva adakwiye gufata ikintu kitemejwe n’abahanga, cyane cyane ku myaka ye no mu buremere bwe – urebye ubyibushye bikabije, nk’uko bivugwa”.

Umwaka ushize, umuganga w’ibiro bya perezida wa Amerika yatangaje muri raporo y’umwaka ko Bwana Trump apima 110Kg n’uburebure bwa 1,90m, ibipimo byamushyiraga mu bafite umubyibuho ukabije ku kigero cya 30.4.

Related posts

U Rwanda rwatanzweho urugero rw’uko ruri kwitwara mu kurwanya covid-19 hanengwa Amerika

Chief Editor

FMI yasoneye u Burundi umwenda ungana na miliyoni hafi 8 z’amadolari y’Amerika

Chief Editor

Bill Gates yanenze bikomeye icyemezo cya Trump cyo guhagarika inkunga Amerika iha OMS

Chief Editor

Leave a Comment