November 24, 2020
Hanze

OMS yagiranye ibiganiro na Madagascar ku muti wa Covid-19 yavumbuye

Perezida Andry Rajoelina wa Madagascar avuga ko yagiranye ikiganiro na Dr Tedros Adhanom ukuriye ishami ry’umuryango w’abibumbye ryita ku buzima OMS/WHO, avuga ko uyu yashimye umuhate wa Madagascar mu kurwanya Covid-19.

Rajoelina avuga ko Madagascar yavumbuye umuti gakondo uvura coronavirus bise Covid-Organic, kugeza ubu ibihugu bimwe bya Afurika biamaze kuwugezwaho.

OMS ntabwo iremeza uyu muti cyangwa undi uwo ariwo wose – ko uvura iyi ndwara iterwa na virus nshya yo mu bwoko bwa coronavirus ifata imyanya y’ubuhumekero.

Abinyujije kuri Twitter, Rajoelina yavuze ko OMS “izasinya ingingo zitazatangazwa ku bigize Covid-Organics kandi izashyigikira ibikorwa byo kureba niba uyu muti uvura muri Afurika”.

Mu nyandiko yari yabanje kwandika kuri twitter mu ijoro ry’ejo kuwa gatatu, Rajoelina yari yanditse ko Dr Tedros “yadushimye ku kuvumbura umuti wa Covid-Organics”, gusa iyo ‘tweet’ ariko yaje kuyisiba.

Nyuma y’aho gato umuuyobozi wa OMS,Dr Tedros yanditse kuri twitter yemeza ko yagiranye ikiganiro na Rajoelna ku bufatanye bwo kurwanya covid19 n’uko bateza imbere umuti igihugu cye cyakoze.

Ati”Twaganiriye uburyo twakorera hamwe ku byerekeranye n’ubushakashatsi bw’umuti no kuwuteza imbere.Twemeranyije ko ubufatanye ari rwo rufunguzo rwo kurwanya icyorezo bikanatuma isi imera neza”.

Abategetsi muri Madagascar bavuga ko ku bantu 131 bamaze gukira iyi ndwara benshi muri bo bayikijijwe n’uyu muti, muri iki gihugu abantu 371 barayanduye muri bo babiri yarabishe.

Ibihugu bimwe bya Afurika byatumije binatangaza ko umuti wa Madagascar wabigezeho, ibyo birimo; Tanzania, Niger, Tchad, Guinea Bussau, Guinea Equatorial, n’ibirwa bya Maurice.

Muri weekend perezida wa Nigeria Muhammadu Buhari yakiriye uyu muti ngo babanze bawugerageze.

Kuri uyu wa Gatatu tariki 20 Gicurasi minisitiri wo muri Ghana yemeje ko guverinoma yatumije umuti wa Madagascar ngo bawugerageze.

Hashize iminsi OMS/WHO itangaje ko iri gukorana na leta ya Madagascar mu gusuzuma niba uyu muti koko uvura Covid-19.

Iri shami rya ONU ryaburiye Abanyafurika kwirinda gukoresha imiti itarasuzumwe ngo yemezwe n’abahanga mu kuvura iki cyorezo, kabone nubwo yaba ari iya gakondo.
Leta ya Madagascar yo yatangaje ko nta uzayihagarika mu gukoresha uyu muti kuri coronavirus no kuwuha abawukeneye.

Related posts

Perezida Museveni yaciye amarenga ko amatora yo 2021 ashobora kwigizwayo

Chief Editor

Iby’ingenzi Perezida Magufuli yavugiye mu gace avukamo birimo n’umuti wavuye umwana we Covid19

Chief Editor

U Budage:Gahunda ya Guma mu rugo igiye gusubizwaho

Chief Editor

Leave a Comment