November 27, 2020
Hanze

Sudan y’epfo:Mu bantu basaga 480 banduye coronavirus harimo abaminisitiri umunani

Imibare y’abamenyekanye banduye coronavirus muri Sudani y’Epfo yikubye hafi kabiri igera kuri 481 mu ijoro ryakeye, ni nyuma y’uko mu masaha 24 habonetse abantu bashya 140 bayanduye.

Amakuru avuga ko abagize guverinoma bagera ku munani (8) babasanzemo iki cyorezo.

Kugeza ubu batatu muri bo baratangajwe, abo ni; visi perezida, minisitiri w’umutekano na minisitiri w’itangazamakuru.

Bose bari mu bagize itsinda ryihariye rya guverinoma ryo kurwanya Covid-19 riyobowe na Perezida Salva Kiir wungirijwe na Visi Perezida Riek Machar.

Kiir yabonanye n’iri tsinda mu mpera z’icyumweru gishize ariko nta kiratangazwa niba nawe yarapimwe n’uko ahagaze.

Kuri uyu wa kane hateganyijwe inama y’abaminisitiri ariko ntamuntu uzi abari buyitabire.

Igihugu cyazahajwe ‘imirwano y’amoko

Hagati aho abategetsi bavuga ko imirwano ya vuba hagati y’amoko mu muri leta ya Jonglei yiciwemo abantu bagera kuri 300, ibihumbi bavuye mu byabo barahunga.

Muri iyi mirwano ishyamiranyije hiciwemo abakozi batatu bo mu miryango ifasha, harimo umwe wa Médecins Sans Frontières.

Imirwano yasubukuye kuwa gatandatu hagati y’amoko y’abatunzwe n’ubuhinzi n’abatunzwe n’ubworozi.

Abategetsi bavuga ko abantu bagera kuri 800 bamaze gupfa kuva imirwano nk’iyi yakongera gutangira mu kwezi kwa kabiri.

Amasezerano yo kurangiza intambara mu gihugu yari imaze imyaka itandatu yasinywe mu kwezi kwa kabiri hagati ya Salva Kiir na Riek Machar, gusa amakimbirane y’amoko yakomeje kuba bya hato na hato.

Abantu ibihumbi amagana bari mu nkambi z’ubuhungiro mu gihugu cyabo, mu minsi ishize hari babiri mu mpunzi basanzemo Covid-19, bitera impungenge ko iki cyorezo gishobora gukwira mu mpunzi.

Visi Perezida Riek Machar (iburyo), n’umugore we Angelina Teny minisitiri w’umutekano(ibumoso)

Related posts

Cyera kabaye Amerika yavuze ibyago abasirikare bayo 34 bagize nyuma y’ibisasu Iran yabamisheho

Chief Editor

Koreya y’Epfo:coronavirus yatumye kiliziya n’ibikorwa bihuriramo abantu benshi bifunga imiryango

Chief Editor

Joe Biden yatsinze Trump mu matora ya Perezida wa Amerika Harris aba visi Perezida wa mbere w’umwirabura

Chief Editor

Leave a Comment