November 28, 2020
Hanze

Burundi:Gen Evariste Ndayishimiye birangiye yegukanye umwanya wa Perezida

Gen Evariste Ndayishimiye w’imyaka 52 ni we watorewe kuyobora u Burundi muri manda y’imyaka irindwi nyuma yo gutsinda n’amajwi 68,72% abo bari bahanganye barimo Agathon Rwasa na Domitien Ndayizeye wagize kuba Perezida w’u Burundi.

Mu turere hafi ya twose tw’igihugu, Ishyaka CNDD-FDD riri ku butegetsi niryo ryaje ku mwanya wa mbere ryanikiye ku buryo bukomeye CNL ya Agathon Rwasa, usibye mu Mujyi wa Bujumbura aho CNL yagize 52,11% mu gihe ryo ryari rifite amajwi 31%.

Igikorwa cyo gutanagza amajwi cyabereye kuri Hotel Club du Lac Tanganyika ku gicamunsi cyo kuri uyu wa Mbere tariki 25 Gicurasi, ariko akaba ari ay’agateganyo.

Uyu Gen Ndayishimiye watowe yari asanzwe ari Umunyamabanga Mukuru w’Ishyaka CNDD-FDD riri ku butegetsi kandi yagiye ahabwa imyanya itandukanye mu gisirikare cy’u Burundi no muri Guverinoma nk’aho yabaye Minisitiri w’Umutekano w’Imbere mu gihugu.

Amatora y’Umukuru w’Igihugu mu Burundi kimwe n’ay’abagize Inteko Ishinga Amategeko ndetse n’Inzego z’Ibanze, yabaye ku wa 20 Gicurasi, mu mwuka w’ubwoba bukomeye kuko abantu bakekaga ko hashobora kongera kubaho imvururu nk’uko byagenze mu 2015 ubwo Perezida Nkurunziza yatorwaga.

Ni ku nshuro ya mbere mu mateka y’u Burundi, ayo matora menshi abera inshuro imwe.

Ishyaka rya Agathon Rwasa CNL ryari riherutse gutangaza ko ritanyuzwe n’uko amatora yagenze kuko abayoboke baryo barenga 200 bafunzwe bashinjwa guhungabanya amatora.

Ni mu gihe kandi mu gihe aya matora yabaye imbuga nkoranyambaga zafunzwe.

Uko abakandida bakurikiranye mu majwi y’agateganyo

1.Evariste Ndayishimiye: 68,72%
2.Agathon Rwasa: 24,19%
3.Domitien Ndayizeye: 0.55%

4.Dieudonné Nahimana: 0.42%

5.Francis Rohero: 0. 20%G

6.Gastoni Sindimwo1.64%

7.Léonce Ngendakumana: 0.47%

 

 

Related posts

Burundi:Abantu bane bari barwaye covid19 bakize

Chief Editor

Niger yatangaje ko yishe abarwanyi 75 b’umutwe w’iterabwoba wa Boko Haram

Chief Editor

Kardinali George Pell yahanaguweho ibyaha byo gusambanya abana b’abahungu

Chief Editor

Leave a Comment