November 25, 2020
Hanze

Uruhinja rw’umwaka umwe barutabye mu butaka rutabarwa n’umuntu wigenderaga abonye ruzunguje akaguru[Amafoto]

Umwana w’umuhungu wo mu kigero cy’umwaka umwe wari watabwe mu butaka yatabawe n’umuntu wigenderaga nyuma yo kureba akabona akaguru kari kunyeganyegera mu butaka yasesura maze akabona ari uruhinja.

Ibi byabereye mu majyaruguru y’Ubuhinde ahitwa Sonoura mu karere ka Siddharthnagar mu ntara ya Uttar Pradesh mu mpera z’icyumweru gishize.

Uwatabaye uyu mwana avuga ko yarimo ashaka ibisigazwa by’inzu yasenywe n’inkangu akandagiye ahantu yumva ahonyoye ikintu kidasanzwe, arebye abona n’ikirenge cy’umwana muzima utabye mu butaka.

Nk’uko bitangazwa na The Sun ngo uyu mutabazi yahise asesurura itaka ryose rwari hejuru y’umwana amujyana mu bitaro byo muri aka gace. Abaganga bari gukurikiranira hafi ubuzima bw’uyu mwana bavuga ko nubwo yahumetse ivumbi ameze neza.

Ntabwo haramenyekana abanyeyi b’uyu mwana, ntiharanamenyekana niba abamutabye mu butaka barabikoze ku bushake.

Uwatabaye uyu mwana yemeye kumubera umubyeyi akamwiyandikisha.

Ibi bibaye mu gihe n’ubundi ahitwa Sao Paulo hari umwana w’umukobwa watawe mu gisimu atoragurwa n’umuntu wamunyuzeho akumva umwana arira.

Uwanyuze kuri uyu mwana wari watawe mu gisimu ari mu bishashi n’indi myenda yahise ahamagara polisi ifata uyu mwana imujyana mu bitaro bya Vila Nova Cachoerinha.

Mu butumwa polisi ya Brazil yashyize ku mbuga nkoranyambaga zayo yavuze ko uyu mwana w’umukobwa ameze neza. Akenshi abana batawe na banyina ku mpamvu zo kubikuraho bakunze gutoragurwa bakiri bazima niyo uwabataye yaba yari yashyize ubuzima bwabo mu kaga kangana iki.

Related posts

Umugore utwite yapfiriye kuri bariyeri nyuma yo gutinzwa n’abapolisi ngo ntiyambaye agapfukunwa

Chief Editor

Mu ruzinduko rwa mbere Trump yagiriye mu buhinde abaturage basohotse muri stade ijambo rye rigeze hagati

Chief Editor

Impanga zavutse ku matariki atandukanye mu myaka itandukanye

Chief Editor

Leave a Comment