November 28, 2020
Politiki slider

Kera kabaye Uganda yahishuye ko ifunze Abanyarwanda basaga 400 harimo 130 bagiye kurekurwa

Intumwa z’u Rwanda n’iza Uganda zakoranye inama na Komite igizwe n’intumwa z’Angola na Repubulika Iharanira Demokarasi ya Congo yashyiriweho gufasha mu rugendo rwo gukemura amakimbirane hagati y’ibihugu byombi Uganda yemera ko ifuzne Abanyarwanda bagera ku 440.

Ibiganiro byabaye kuri uyu wa Kane tariki ya 4 Kamena 2020 hifashishijwe ikoranabuhanga, Leta ya Uganda yahishuye ko ifunze Abanyarwanda 440 barimo 130 byitezwe ko bazarekurwa mu cyumweru gitaha.

Intuma z’u Rwanda zayobowe na Minisitiri w’Ububanyi n’Amahanga n’Ubutwererane Dr. Biruta Vicent, no ku ruhande rwa Uganda ziyoborwa na Minisitiri w’Ububanyi n’Amahanga Sam Kutesa.

Ku ruhande rw’abahuza, Repubulika iharanira Demokarasi ya Congo (RDC) yahagarariwe na Minisitiri wungirije ushinzwe Umutekano n’imibereho y’abaturage Gilbert Kankonde Malamba, na ho Angola ihagarariwe na Minisitiri w’Ububanyi n’Amahanga, Tete Antonio.

Leta ya Uganda yemeje ko mu cyumweru gitaha izarekura Abanyarwanda 130 bari bafungiwe mu magereza atandukanye yo muri icyo gihugu nk’uko byashimangiwe na Minisitiri Sam Kutesa, muri iyo nama.

Minisitiri Kutesa yavuze ko nyuma y’iperereza ryakozwe ku Banyarwanda bafungiwe mu magereza atandukanye muri Uganda, basanze abagera ku 130 bagomba gushyikirizwa u Rwanda bitarenze mu cyumweru gitaha, uwo muhango ukazabera ku mupaka wa Kagitumba na Milama.

Yakomeje avuga ko hari abandi Banyarwanda 310 bagifunzwe, bakurikiranywe n’ubutabera bwa Uganda.

Iyo nama ibanze ku gusuzuma intambwe imaze guterwa n’ibihugu byombi mu kubahiriza amasezerano ya Luanda muri Angola, yashyizweho umukono na Perezida wa Repubulika y’u Rwanda Paul Kagame na mugenzi we wa Uganda Yoweri Kaguta Museveni  muri Kanama 2019.

Ibyo biganiro biharurira amayira inama ya 5 yitezwe guhuza abo bakuru b’ibihugu n’abahuza babo,  ikurikira iheruka kubera i Gatuna muri Gashyantare tariki ya 21.

Minisitiri w’Ububanyi n’Amahanga w’u Rwanda, Dr. Biruta  Vincent yagaragaje ko u Rwanda rutewe impungenge no kuba Leta ya Uganda ikomeje kurenga nkana ku myanzuro yafatiwe mu nama zabanje, no kugaragaza mu gukemura ikibazo kiri mu mubano w’ibihugu byombi.

Minisitiri Biruta yatanze urugero rw’aho ku itariki 18 z’ukwezi gushize kwa Gicurasi, Abanyarwandakazi babiri bajugunywe ku mupaka w’ibihugu byombi nyuma yo guhohoterwa n’inzego z’umutekano za Uganda.

Uganda kandi ngo ikomeje kwinangira kuko kugeza magingo aya yanze kurekura amagana y’Abanyarwanda bari  muri gereza zitandukanye mu buryo bunyuranyije n’amategeko.

Ikindi kandi Uganda inashinjwa guha urwaho no kwanga  kwitandukanya n’imitwe yitwaje intwaro igamije guhungabanya umutekano w’u Rwanda.

Minisitiri Kutesa yemeye ko Uganda ifunze Abanyarwanda 440 barimo 130 byitezwe ko bazarekurwa mu cyumweru gitaha
Minisitiri Dr Biruta yavuze ko Uganda ikomeje kwirengagiza ibigize amasezerano

Related posts

MINEMA ivuga ko impunzi z’Abarundi 1800 mu Rwanda bamaze kwiyandikisha bifuza gutahuka

Chief Editor

Mu ngengo y’imari ya 2020/2021 ubuhinzi n’ubworozi byagenewe ingengo y’imari ingana na miliyari zisaga 122 Frw

Chief Editor

Impaka zatumye urubanza rwa Maj.Mudathiru na bagenzi be 25 bahoze muri RNC rusubikwa

Chief Editor

Leave a Comment