November 25, 2020
slider Ubukungu

Kayonza:Inzu irimo ibicuruzwa yafashwe n’inkongi y’umuriro irashya irakongoka[Amafoto]

Ivuguruye:Inzu y’ububiko bw’ibicuruzwa iherereye mu kagari ka Cyabajwa mu murenge wa Kabarondo mu gikari cy’isoko rya Kabarondo mu karere ka Kayonza yafashwe n’inkongi y’umuriro igice kimwe mu biyigize kirashya kirakongoka.

Amakuru IGIRE ifite avuga ko inzu yafashwe n’inkongi y’umuriro ari ububiko bw’ibicuruzwa by’abacuruzi batatu aribo Hategekimana Samwuel,Simioni na Mbarushimana Ally.

Iyo nzu yari igizwe n’ibice bitatu;igice kirimo imifuka y’isukari,igice kirimo imifuka y’umunyu ndetse n’ikindi kirimo imifuka irimo ubusa bagurisha (vide).

Muri ibyo bice icyahiye ni igice kirimo imifuka irimo ubusa ndetse n’amasuka ya majagu kubera ko umuriro watangiye kugurumana bajya kubikuramo urugi rukanga gufunguka kandi aho ninaho haturutse iyo nkongi.

Ibindi bice byakinguwe imifuka yari irimo yose abakarani babasha kuyikuramo itarashya.

Umunyamabanga nshingwa bikorwa w’akagari ka Cyabajwa aho iyo nzu y’ububiko iherereye, Musayidizi Ananiace, yabwiye IGIRE ko kugeza ubu aho inkongi y’umuriro yaturutse batari bahamenya ariko ko hari gukekwa ko ishobora kuba yakomotse ku nsinga z’amashanyarazi zikoze nabi z’iyo nzu.

Gitifu yavuze ko ibyabashije gukurwa muri iyo nzu bishobora kuba byakuzura imodoka yo mu bwoko bwa FUSO naho ibyahiye akaba atamenya uko byanganaga ariko byari byinshi.

Related posts

Perezida Kagame yashimiye bikomeye Ujili Masai uhora atekereza kuri Basketball y’u Rwanda

Chief Editor

Umunyarwanda yakoze ikoranabuhanga ryifashishwa mu kuvumbura abagabo basambanyije abana

Chief Editor

Huye:Bamaze imyaka icumi batagira amazi robine zarumye kandi uruganda ruyatunganya ruri mu mudugudu wabo

Chief Editor

Leave a Comment