November 25, 2020
Hanze

Umwami w’Ububiligi Philippe Léopold aricuza bikomeye impamvu igihugu cye cyakoronije RDC

Umwami w’Ububiligi Philippe Léopold Louis Marie avuga ko “yicuza cyane ibikorwa by’urugomo n’akababaro” abaturage ba Repubulika ya Demokarasi ya Congo bagize ubwo iki gihugu cyari umukoloni w’Ububiligi.

Bikubiye mu ibaruwa yandikiye Perezida Félix Tshisekedi kuri uyu munsi DR Congo yizihiza imyaka 60 ishize ibonye ubwigenge.

Mu myaka ya 1880 ni bwo Umwami Léopold II w’Ububiligi yigaruriye igice kinini cya DR Congo y’ubu. Bivugwa ko Abanyafurika babarirwa muri miliyoni 10 bishwe ku ngoma ye.

Ububiligi bwakolonije icyo gihugu kugeza ubwo cyabonaga ubwigenge ku itariki nk’iyi ya 30 y’ukwezi kwa gatandatu mu mwaka wa 1960.

Muri iyo ibaruwa ye, IGIRE ifitiye ifitiye kopi,Umwami Philippe yagaragaje kwicuza atewe n'”akababaro” abaturage ba DR Congo bagize mu gihe cy’ubukoloni, nkuko bitangazwa n’ibitangazamakuru byo mu Bubiligi.

Muri iyo baruwa harimo amagambo agira ati:”Nifuzaga kugaragaza kwicuza cyane kubera ibikomere byo mu gihe cyashize, umubabaro wabyo ukaba ubu warongeye kugaragazwa n’ivangura rikigaragara cyane mu miryango migari [sociétés] yacu”.

Abaye umwami wa mbere w’Ububiligi ugaragaje kwicuza mu buryo bw’inyandiko kubera ibibi byakozwe mu gihe cy’ubukoloni.

Mu byumweru bitatu bishize, ishusho y’Umwami Léopold II yarabomowe mu mujyi wa Antwerp wo mu Bubiligi, mu myigaragambyo y’abamagana irondabwoko.

Related posts

RDC:Undi muyobozi ukomeye mu iperereza ry’igisirikare yasanzwe yapfuye

Chief Editor

Uganda:Urukiko rwa gisirikare rwahagaritse ibirego ku banyarwanda babiri

Chief Editor

Mali: Ibiganiro hagati y’intumwa za CEDEAO n’agatsiko kahiritse ubutegetsi bwa Perezida Keïta ntacyo byagezeho

Chief Editor

Leave a Comment