November 27, 2020
slider Ubuzima

Umusirikare yabaye umuntu wa Gatatu uzize covid-19 mu gihe Umubare w’abakize wiyongereye

Minisiteri y’Ubuzima iratangaza ko umuntu wa gatatu yitabye Imana azize icyorezo cya COVID-19. Uwitabye Imana yari Umusirikare w’Ingabo z’u Rwanda (RDF) w’imyaka 51 y’amavuko wari mu butumwa mu mahanga, akaba ngo yari asanzwe afite ubundi burwayi.

Uyu musirikare yitabye Imana nyuma y’abandi babiri na bo bishwe na COVID-19 mu minsi ishize barimo umupolisikazi w’imyaka 24 y’amavuko wari mu butumwa bw’amahoro witabye Imana tariki 03 Kamena 2020.

Undi akaba yari Umushoferi w’imyaka 65 y’amavuko witabye Imana tariki 30 Gicurasi 2020 akaba yari afite izindi ndwara.

Minisiteri y’Ubuzima iratangaza ko kuri uyu wa Gatatu tariki 01 Nyakanga 2020 mu Rwanda habonetse abarwayi bashya cumi na bairindwi (17) ba COVID-19.

Abo barwayi 17 babonetse mu bipimo 3,961 byafashwe kuri uyu wa Gatatu, abamaze kuboneka mu Rwanda banduye icyo cyorezo bose hamwe baba 1,042.

Minisiteri y’Ubuzima iravuga ko abo barwayi bashya 17 barimo abagaragaye i Rusizi (2), i Kigali (7), Ngoma (6) na Rubavu (2).

Abantu 33 mu bari barwaye bakize, abamaze gukira bose hamwe baba 480, naho abakirwaye ni 559.

Abamaze kwicwa n’icyo cyorezo mu Rwanda babaye batatu.

Minisiteri y’Ubuzima isaba abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.

Related posts

Inteko ishingamategeko yatumijeho abaminisitiri batatu ngo bisobanure ku bibazo bimwe na bimwe

Chief Editor

Mu rubanza rwa Maj.Mudathiru na bagenzi be bashijwa gukorana na RNC hiyongereyeho abasirikare ba RDF n’abasivile

Chief Editor

Polisi y’u Rwanda yagaragaje ibintu birimo gutiza umurindi ikwirakwira rya Covid-19 mu gihugu

Chief Editor

Leave a Comment