November 24, 2020
slider Ubukungu

Mu ntangiriro z’ukwezi gutaha kwa Kanama ibibuga by’indege mu Rwanda bizafungurwa

Leta y’u Rwanda yatangaje ko guhera tariki ya 1 Kanama 2020,  ibibuga by’indege byo mu Rwanda bizongera guha ikaze indege zitwaye abagenzi mu buryo bwa rusange (commercial flights) ariko hashyirwaho amabwiriza y’ingenzi agomba kubahirizwa mu rwego rwo kwirinda ikwirakwizwa ry’icyorezo cya COVID-19. 

Kugeza ubu abashyitsi bakoresha indege zihariye (charter flights) baba abantu ku giti cyabo cyangwa abari mu matsinda, ni bo bemerewe kwinjira mu gihugu.

Mu itangazo ryashyizwe ahagaragara na Minisiteri y’Ibikorwa remezo (MINIFRA) kuri uyu wa Gatandatu tariki ya 4 Nyakanga, Leta yanzuye ko mu rwego rwo kurinda abagenzi, abakora mu ndege n’abakora ku bibuga by’indege, ingendo zose zigomba kubahiriza amabwiriza yateguwe na Minisiteri y’Ubuzima.

Muri yo harimo kuba abategura ingendo bari mu Rwanda cyangwa mu mahanga bagomba kuba bipimishije COVID-19 mu masaha 72 mbere yo kurira indege, ndetse bakagaragaza ikemezo cyatanzwe na Laboratwari yizewe ku rwego mpuzamahanga.

Ku baturutse mu mahanga bazaba bategetswe kongera gupimwa bakigera mu Rwanda, ibisubizo by’uko bahagaze bakajya babihabwa nyuma y’amasaha 24.

U Rwanda rwafunze indengo z’indege zitwara abantu tariki ya 20 Werurwe 2020, rukomorera indege zihariye tariki ya 17 Kamena 2020.

Kuri ubu ibibuga by’indege buose mu Rwanda byamaze gushyiraho ingamba zo kwirinda ikwirakwizwa ry’icyorezo cya COVID-19.

Muri izo ngamba harimo kuba ahantu hatandukanye harashyizwe imiti isukura intoki (hand sanitizers), ibimenyetso biranga aho guhagarara mu guhanga intera, uburyo bwo gusukura ikibuga k’indege, inyubako n’ibikuresho.

Abakozi bahawe amahugurwa yo kwirinda, gufasha abagenzi no kugenzura ko amabwiriza yo kwirinda ikwirakwizwa ry’icyo cyorezo yubahirizwa.

Abakora ingendo z’indege barasabwa kumenyera impinduka bazasanga ku bibuga by’indege zirimo guhana intera, kugabanya imizigo, kwirinda gukorakora aho babonye, kwishyura ku ikoranabuhanga, gukoresha taxi voitures zemewe gusa n’ayandi.

Buri munymahanga uje mu rwanda wese azasabwa kuzuza inyandiko y’aho aturutse iri ku ikoranabuhanga mbere yo gutega aza mu Rwanda, ikaba iri ku rubuga rw’Ubuyobozi bw’Ibiro Bikuru by’Abinjira n’Abasohoka mu Rwanda.

Related posts

Perezida João Lourenço wa Angola yageze mu Rwanda [REBA AMAFOTO]

Chief Editor

Uko ama Fun Clubs ya Rayon sports yagabanye abakinnyi mu rwego rwo kubafasha muri iki gihe cya Covid19

Chief Editor

Igiciro cy’akagunguru k’amavuta cyazamutse

admin

Leave a Comment