November 28, 2020
Hanze

Afurika y’Epfo:Umukobwa wa Mandela uherutse gupfa bamusanzemo covid-19

Zindzi Mandela, wari ambasaderi wa Afurika y’Epfo muri Denmark bari bamusanzemo Covid-19 umunsi yapfuyeho nk’uko byatangajwe n’umwana we.

Zindzi ni umukobwa muto mu bana ba Nelson Mandela perezida wa mbere w’umwirabura wa Afurika y’Epfo n’impirimbanyi yo kwamanagana ‘apartheid’ Winnie Madikizela-Mandela.

Madamu Zindzi yashizemo umwuka mu bitaro by’i Johannesburg mu masaha ya kare yo kuwa mbere afite imyaka 59.

Umuhungu we Zondwa Mandela yabwiye igitangazamakuru cya leta SABC ko “nubwo bamusanzemo Covid-19 ku munsi yapfuyeho bitazwi neza niba iki cyorezo ari cyo cyamwishe”.

Zondwa yavuze ko umuryango utegereje ibipimo bikorerwa umurambo, kandi bishobora gufata igihe.

Yagize ati: “Kubera gusa ko bari bamusanzemo iyo ndwara, ubu tugomba gukora no kubahiriza ibyagenwe muri icyo gihe”.

Madamu Zinzi asize abana bane n’umugabo.

Mu bana batandatu ba Nelson Mandela ubu babiri nibo bakiriho; mushiki wa Zindzi witwa Zenani Dlamini na Pumla Makaziwe Mandela umukobwa yabyaye ku mugore we wa mbere Evelyn Mase.

Zondwa yavuze ko nyina azashyingurwa kuwa gatanu mu gitondo.

Afurika y’epfo ni igihugu cya munani gifite abantu benshi banduye Covid-19 ku isi aho barenga 311,000 mu gihe abo imaze kwica ari hafi 4,500 nk’uko bivugwa na kaminuza ya Johns Hopkins.

Related posts

Uganda yatangaje umurwayi wa mbere wa coronavirus

Chief Editor

RDC:Umusirikare yishe arashe bagenzi be n’umugore utwite

Chief Editor

Iyi virus yazamuye tsunami y’urwango no kuzira abanyamahanga-Guterres

Chief Editor

Leave a Comment