November 28, 2020
Hanze

Uganda:Umuntu wa kabiri yishwe na covid-19

Minisiteri y’ubuzima ya Uganda yemeje ko umuntu wa kabiri yishwe na coronavirus, ni mu gihe Uganda ubu iri koroshya zimwe mu ngamba zari zarafashwe mu mezi ane ashize.

Uwapfuye ni umugore w’imyaka 80 uva mu gace k’abaturage batuye mu bucucike bukomeye mu mujyi wa Kampala.

Minisiteri y’ubuzima ivuga ko yapfuye kuwa gatanu afite ibimenyetso by’iyi ndwara birimo inkorora, umuriro, kubabara mu gituza no kugorwa no guhumeka.

Ibipimo byafashwe ku murambo we n’ikigo cy’ubushakashatsi cya kaminuza ya Makerere, nibyo byemeje ko yishwe na Covid-19.

Iyi minisiteri ivuga ko yatangiye gushakisha abantu bose babonanye n’uyu mugore.

Mu cyumweru gishize, Uganda nibwo yatangaje umuntu wa mbere wishwe n’iki cyorezo, uwo ni umugore w’imyaka 34 wakoraga mu bitaro biri mu burasirazuba mu karere ka Namasindwa.

Iki gihugu kimaze gutangaza abantu 1,115 banduye coronavirus.

Related posts

Burundi:Ibyavuye mu matora by’agateganyo umukandida wa CNDD-FDD niwe uyoboye

Chief Editor

Tanzania:Umuntu wa mbere yakize coronavirus ari nako hatangajwe umurwayi wa 13 waturutse i Burundi

Chief Editor

Koreya y’Epfo:Abantu basaga 160 bakize covid19 nyuma barongera bayibasangamo

Chief Editor

Leave a Comment