November 28, 2020
Hanze

Perezida Muhammadu Buhari yamaganye abakuru b’ibihugu biyamamariza manda ya gatatu

Perezida Muhammadu Buhari wa Nigeria yasabye abategetsi bo mu karere k’Afurika y’uburengerazuba kubahiriza igihe cya manda giteganywa n’itegekonshinga.

Amagambo ya Bwana Buhari aje akurikira ibyemezo bya Perezida Alassane Ouattara wa Côte d’Ivoire na Perezida Alpha Condé wa Guinée-Conakry batangaje ko baziyamamaza kuri manda ya gatatu mu bihugu byabo mu matora yo muri uyu mwaka.

Bwana Buhari yabivuze ejo ku wa mbere mu nama y’umuryango w’ubukungu w’ibihugu by’Afurika y’uburengerazuba (CEDEAO/ECOWAS) yabereye i Niamey mu murwa mukuru wa Niger,ikiga no ku kibazo cya Mali.

muu mpera y’ukwezi kwa karindwi, ishyaka riri ku butegetsi muri Côte d’Ivoire ryagennye ku mugaragaro Perezida Ouattara ngo aziyamamaze kuri manda ya gatatu mu matora ateganyijwe kuba mu kwezi gutaha.

Mu kwezi kwa gatatu uyu mwaka, Bwana Ouattara w’imyaka 78 – umaze imyaka 10 ku butegetsi – yari yavuze ko urubyiruko rukwiye guhabwa umwanya wo gutegeka, avuga ko atazongera kwiyamamaza.

Amadou Gon Coulibaly wari Minisitiri w’intebe we ndetse yifuzaga ko ari we wamusimbura, yapfuye azize umutima ku itariki ya 8 y’ukwezi kwa karindwi.

Icyemezo cya Bwana Ouattara cyo kongera kwiyamamaza cyateje imyigaragambyo mu gihugu. Abamunenga bavuga ko kinyuranyije n’itegekonshinga.

No mu gihugu gituranyi cya Guinée-Conakry habaye imyigaragambyo irimo urugomo nyuma yuko Perezida Condé w’imyaka 82 avuze ko aziyamamaza mu matora ateganyijwe kuba mu kwezi gutaha kwa cumi, kuri manda ya gatatu itavugwaho rumwe.

Bwana Condé amaze imyaka 10 ku butegetsi.

Iyo nama y’umunsi umwe y’umuryango wa CEDEAO yitabiriwe n’abakuru b’ibihugu umunani – muri 15 biwugize – barimo ba perezida wa Ghana, Sénégal na Burkina Faso.

Related posts

Burundi:Niki Perezida Ndayishimiye agiye guhita akora nyuma yo kurahira mu gihe igihugu kiri mu byishimo n’amarira?

Chief Editor

Iran:Amagana y’abantu bishwe na Methanol ubwo bikingiraga banivura Coronavirus

Chief Editor

Perezida Museveni yaciye amarenga ko amatora yo 2021 ashobora kwigizwayo

Chief Editor

Leave a Comment