November 24, 2020
Imikino slider

Sugira Erneste na Bashunga Abouba mu bakinnyi 24 Rayon Sports izifashisha mu mwaka w’imikono 2020/2021

Ikipe ya Rayon Sports yamaze gushyira hanze abakinnyi 24 igomba kwifashisha mu mwaka w’imikono wa 2020/2021,muri bo hakaba harimo Bashunga Abouba watunguranye na Sugira Erneste wari wararangije umwaka we w’intizanyo muri iyi kipe.

Ni urutonde rwashyizwe hanze na Rayon Sports kuri uyu wa Gatatu tariki 7 Ukwakira 2020.

Mu batagaragaye Kuri uru rutonde barimo Olokwei Commodore ukomoka muri Ghana wari usanzwe mu bakinnyi b’iyi kipe na rutahizamu Arthur wari wasinye muri iyi kipe umwaka ushize ariko ntiyabona umwanya wo gukina kubera ko umubare w’abakinnyi ikipe yemererwa gukinisha wari waruzuye.

Bashunga Abouba uri mu batunguranye kuri uru rutonde, muri Nzeri uyu mwaka nibwo Mukura VS yari yatangaje ko yamusinyishije.

Uyu Bashunga Abouba yari amaze umwaka umwe ari umunyezamu wa Buildcon FC yo muri Zambia, bivugwa ko yamaze gusinyira Rayon Sports kuzayikinira imyaka ibiri iri imbere.

Bashunga Abouba yakuriye mu ishuri ry’umupira w’amaguru rya APR FC, akinira Marines FC na Gicumbi FC. Yahavuye yerekeza muri Rayon Sports yamazemo imyaka ibiri mbere yo kujya muri Kenya mu ikipe ya Bandari FC, ayikinira umwaka umwe.

Mu 2018, yagarutse muri Rayon Sports kugira ngo ayifashe mu mikino Nyafurika, bagera muri ¼ cya CAF Confederation Cup mu gihe yayivuyemo muri Kamena 2019, akerekeza muri Zambia.

Hari abandi bakinnyi babiri aribo Nshimiyimana Amran na Mirafa Nizeyimana byagiye bivugwa ko bashobora kuzatandukana na Rayon sports ariko nyuma visi Perezida w’inzibacyuho Thadee atangariza Isango Star ko abo bakinnyi ntaho bazajya bari muri ekipe none Birangiye bari ku rutonde.

Related posts

Bugesera:Ikiraro gihuza akarere ka Bugesera na Ngoma cyangiritse bikomeye bihagarika urujya n’uruza

Chief Editor

Abarwayi barindwi ba coronavirus mu Rwanda bamaze gukira

Chief Editor

Umwiherero wa 17 usize iherezo ku mabwiriza ya Emmanuel Mudidi yateje ibibazo mu ireme ry’uburezi

Chief Editor

Leave a Comment