November 23, 2020
Ubuhinzi

Ubunyarwanda ni urumuri rudususurutsa si ikibatsi kidutwika-Madamu Jeannette Kagame

Madamu Jeannette Kagame, nk’Umuyobozi Mukuru wa Unity Club Intwararumuri, yavuze ko ubunyarwanda ari urumuri ruyobora abanyarwanda bakagera ku iterambere bifuza nta kuyoba.

Ibi yabigarutseho mu mwiherero ngarukamwaka w’umuryango Unity Club Intwararumuri wabereye mu Nteko ishinga Amategeko kuri uyu wa Gatanu tariki 6 Ugushyingo 2020.

Mu butumwa yageneye abitabiriye uwo mwiherero yashimangiye agaciro k’Ubunyarwanda nk’isano ntagereranywa ihuza Abanyarwanda.

Yavuze ko Ubunyarwanda ari isôoko Abanyarwanda bavomamo isano-muzi ibahuza

Ati: “Murabizi ko mu buzima busanzwe, amazi n’urumuri ntibibangikana ngo bibeho. Ubunyarwanda ni urumuri rudususurutsa, si ikibatsi kidutwika… Ubunyarwanda ni urumuri rutumurikira, maze abarwose rukabarinda gutsikira no kuyoba, mu rugendo rwiza twiyemeje.”

Yakomeje agira ati: “[Ubunyarwanda] ni urukingo ruhora ruzamura ubudahangarwa bwacu kugira ngo tudatatira igihango cya Ndi Umunyarwanda.”

Madamu Jeannette Kagame yashimangiye ko abanyamuryango ba Unity Club Intwararumuri babonye umusaruro wo kubana neza no kwimakaza Ubunyarwanda, bityo abasaba kubushikamaho no kubutoza abandi hifashishijwe uburyo bwose bushoboka burimo n’ikoranabuhanga usanga ryifashishwa n’abashaka kubusenya.

Ati: “Hakenewe ko urwo rumuri twabonye, turujyana muri iryo koranabuhanga, tukamurikira abarikoresha kugira ngo bamenye ukuri. Komisiyo y’Igihugu y’Ubumwe n’Ubwiyunge (NURC) igaragaza ko hakiri imbogamizi zirimo kutemera identite y’Ubunyarwanda, gushyira imbere ivangura, guhohotera abarokotse Jenoside, kugoreka amateka yacu, guhisha no kwangiza ibimenyetso.”

Yavuze ko muri ibi bihe hari abantu bakomeje gukoresha ikoranabuhanga kugira ngo bagoreke amateka y’u Rwanda bagamije gusenya ubumwe n’Ubunyarwanda, asaba abanyamuryango ba Unity Club guhoza ijisho n’umutima ku gusigasira icyo gihango.

Yabasabye gushikama ku kemezo bafashe cyo gufasha Abanyarwanda kugenda urugendo rutoroshye rw’iterambere bunze ubumwe, bakarenga amacakubiri n’imitekerereze iciriritse.

Ati: “Twemeye kugendana uru rugendo rutoroshye turi umwe, kandi tumaze kubona ko twunguka cyane iyo dushyize hamwe. Ntidukwiye rero kwihanganira na rimwe, ibitekerezo bigamije gusenya Ubunyarwanda, n’ibyo tumaze kugeraho.”

Madamu Jeannette Kagame yaboneyeho gushimira abitabiriye umwiherero ngarukamwaka wa Unity Club Intwararumuri , anakira abanyamuryango 23, umuryango wungutse muri uyu mwaka.

Madamu Jeannette Kagame yasabye  abanyamuryango ba Unity Club gukomeza gufasha abanyarwanda kurenga amacakubiri n’imitekerereze iciriritse

Related posts

Nicolas Sarkozy Defeated for Presidential Nomination, alludes to political life withdrawal

admin

UN report extols Rwanda on education scheme

admin

Rwanda’s Kagame says Africa prosperity goes with efforts to decrease climate change

admin

Leave a Comment