November 23, 2020
Hanze

USA:Perezida Trump yakuye ku mirimo umunyamabanga wa Leta muri minisiteri y’umutekano

Perezida wa Leta zunze ubumwe za Amerika, Donald Trump kuri uyu wa mbere yatangaje abicishije ku rubuga rwa Twitter ko yahagaritse ku mirimo minisitiri w’umutekano Mark Esper nyuma y’ukutumvikana kwabayeho mu mezi ashize.

Amuhagaritse mu gihe byari byitezwe ko Esper ashobora ku guma ku mwanya we muri iki gihe cyo gutegereza ko habaho ihererekanyabubasha ry’ubutegetsi hagati ya Trump na Perezida uheruka gutorwa Joe Biden rizaba mu mpera za Mutarama 2021.

Christopher Miller, umuyobozi w’ikigo cy’igihugu gishinzwe kurwanya iterabwoba, yahise amusimbura by’agateganyo, nk’uko Trump yabitangaje.

Mu minsi ishize, bimwe mu binyamakuru byatangaje ko minisitiri Esper yanditse ibaruwa yisabira kwegura, mu gihe abandi bategetsi bavuze ko uwo minisitiri nta gitekerezo cyo kwegura yari afite.

Umubano hagati ya Trump na Esper watangiye kuzamo agatotsi kuva mu kwezi kwa Kamena uyu mwaka nyuma y’aho perezida Trump avugiye ko ashobora kurekura ingabo zikajya guhagarika imyigaragambyo yabaye muri Amerika igihe abapolisi bashinjwaga ubwicanyi bushingiye ku ruhu.

Icyo gihe minisitiri Esper yatangaje ku mugaragaro ko adashyigikiye icyo gitekerezo.

Esper yabaye minisitiri w’umutekano kuva muri Nyakanga 2019.

Related posts

Arabie Saoudite yakuyeho igihano cy’urupfu ku bantu bari munsi y’imyaka 18 y’amavuko

Chief Editor

Ubufaransa:Ubujurire ku kirego cy’ihanurwa ry’indege ya Perezida Habyarimana bwongeye guteshwa agaciro

Chief Editor

Burundi:Abantu babiri baketsweho covid 19 biciwe mu nzira bajyanwe mu kato

Chief Editor

Leave a Comment