Minisiteri y’Ubumwe bw’Abanyarwanda n’inshingano mboneragihugu yasabwe na Komisiyo y’Abadepite ya PAC gukorana n’inzego z’ibanze mu kwita ku mibereho y’Abarokotse Jenoside yakorewe Abatutsi batishoboye.
Raporo y’umugenzuzi mukuru w’imari ya leta igaragaza ko iyi Minisiteri hari aho yatinze kubakira Abarokotse Jenoside yakorewe Abatutsi ndetse no kutabasanira amazu, ikindi iyi raporo igaragaza ni ukuba hari amafaranga yagiye itanga mu turere ngo yubakire abatishoboye, ahubwo agakoreshwa ibindi.
Depite Muhakwa Valens Perezida wa PAC yavuze ko ahanini ibibazo byagaragajwe n’umugenzuzi mukuru w’imari ya leta biterwa no kudahuza imikoranire n’inzego bityo ko basabwa Kubikosora.
Minisiteri y’Ubumwe bw’Abanyarwanda n’inshingano mboneragihugu, yavuze ko igiye gushyira mu bikorwa inama yagiriwe.