Yanditswe na Sam Kabera/Igire.rw
Uyu Junior ubusanzwe amazina nyakuri ni Karamuka Jean Luc, iyo wumvise iri zina uhita wibuka indirimbo nyinshi z’abahanzi nyarwanda batandukanye barimo Urban Boys, King Jems n’abandi aho yabakoreye indirimbo zabiciye bigacika mu gihugu no hanze yarwo mu myaka itambutse.
Kuri ubu amakuru atugeraho ni uko uyu mu Producer yamaze kwitaba Imana nk’uko ikinyamakuru Igire tubikesha inshuti ze za hafi.
Junior Multisystem yakoraga indirimbo mu buryo bw’amajwi nibyo yamenyekaniyemo. Amakuru avuga ko Junior Multisystem yamaze iminsi arembeye mu rugo kubera uburwayi bufitanye isano n’ingaruka zo gucibwa ukuboko.
Yigeze ku nyuza ubutumwa kuri konti ye ya Facebook, asaba abakunzi be kumusengera, ati “Pray for me” (Munsengere).
Yari amaze igihe kirekire abana n’uburwayi bwa komotse ku mpanuka yakoze ,iyo mpanuka yaje no kumutwara urugingo(akaboko) yabaye Mu ijoro ryo kuri uyu wa Gatandatu tariki 30 Werurwe 2019, yakoze impanuka ikomeye ubwo imodoka yamugongaga ari kugenda n’amaguru.
Mu mwaka wa 2022 ubwo yasurwaga n’itangazamakuru, yavuze ko akeneye ubuvuzi bwimbitse kugira ngo abe yakira neza, anahishura ko abayeho mu buzima bushaririye.