Maurice Mugabowagahunde wari Umuyobozi Nshingwabikorwa w’ishami rishinzwe Ubushakashatsi no guteza imbere imikorere muri Minisiteri y’Ubumwe bw’Abanyarwanda n’Inshingano Mboneragihugu yagizwe Guverineri w’Intara y’Amajyaruguru.
Yasimbuye Nyirarugero Dancille wayiyoboraga wagizwe Komiseri muri Komisiyo y’Igihugu yo gusezerera no gusubiza mu buzima busanzwe abari abasirikare.
Itangazo ryaturutse mu biro bya Minisitiri w’Intebe rivuga kandi ko Dr Patrice Mugenzi, yagizwe Umuyobozi Mukuru w’Ikigo gishinzwe Amakoperative mu Rwanda (RCA).
Nyirarugero Dancille wayobora Intara y’Amajyaruguru kuva muri Werurwe 2021. Akuwe kuri uyu mwanya nyuma y’aho muri iyi ntara hagaragaye ibikorwa bibangamira ubumwe bw’Abanyarwanda, byabaye intandaro yo kwirukana abayobozi batandukanye.
Guverineri mushya Mugabowagahunde yinjiye muri MINUBUMWE mu Kwakira 2021, ubwo yashyirwagaho n’inama y’abaminisitiri.
