Mu Karere ka Musanze uwa koraga ikizamini cya Leta yafatanwe Telefone ngendanwa yari yajyanye mu kizamini ayitwayemo ibisubizo by’ikizamini yari gukora.
Umugore wo mu karere ka Musanze yatawe muri yombi nyuma yo gufatwa akekwaho icyaha cyo gukopera ikizamini cya Leta yakoraga, amakuru avuagako ikicyaha acyekwaho yagikoze yifashishije telefone ngendanwa.
Uyu wakoraga ikizamini cya Leta nk’umukandida wigenga, ubwo yarimo agikorera ku Kigo cy’Ishuri cya ESIR Ruhengeri, abagenzuraga uko ikizamini kirimo gukorwa bamufatanye telefone ngendanwa, arimo ayikopereramo ibisubizo by’ikizamini cya Leta yari yahawe.
Icyo kizamini yari yagihawe ku rubuga rwa whatApp yari ahuriyeho n’abandi banyeshuri, akimara gufatanwa iyo terefone ngendanwa bagenzuye basanga ibibazo n’ibisubizo byose bisa neza neza n’iby’ikizamini cya Leta yakoraga.