Kuri uyu wa Gatanu tariki 16 Kamena, mu Murenge wa Nkombo mu Karere ka Rusizi hizihirijwe Umunsi w’Umwana w’Umunyafurika.
Uyu murenge wakunze kuvugwamo imirimo ivunanye yakoreshwaga abana, irimo kubashora mu burobyi bakiri bato, bigatuma Bata ishuri.
Abana bo ku Nkombo kandi bahungabanywaga kenshi n’ikibazo cy’ubuharike bwo mu miryango yo kuri iki kirwa, ntibitabweho neza n’ababyeyi babo, bagahohoterwa, ndetse hakabamo n’abashyingirwa imburagihe.
Barishimira ko byinshi muri ibi bibazo byakemutse.
Ku bufatanye bw’ubuyobozi, inshuti z’umuryango n’abafatanyabikorwa nka Strive Foundation bazanye kuri iki kirwa ibikorwa bitandukanye bifasha mu kubungabunga no gusigasira ubuzima bw’abahatuye by’umwihariko abana.
Baravuga ko kuri ubu umwana wo ku nkombo afite uburenganzira nk’ubw’abandi bana b’abanyarwanda.
Umunsi Mpuzamahanga w’Umwana w’Umunyafurika wizihizwa buri mwaka tariki ya 16 Kamena, ukaba waratangiye kwizihizwa mu mwaka wa 1991. Watangiye by’umwihariko hibukwa abana b’abanyafurika bakorerwaga ihohoterwa na bagashaka buhake muri Afurika y’Epfo mu kiswe Aparteid.