Perezida wa Zambia Hakainde Hichilema uri mu Rwanda mu ruzinduko rw’akazi yasuye Urwibutso rwa Jenoside rwa Kigali ruri ku Gisozi.
Perezida wa Zambia yaciye bugufi yunamira abasaga ibihumbi 250 ihashyinguye.
Nyuma yo gusobanurirwa amateka ya Jenoside yakorewe Abatutsi yavuze ko u Rwanda rwahuye n’akaga kasize ihungabana mu Banyarwanda no ku kiremwa muntu muri rusange, avuga ko ibyabaye bidakwiye kongera kuba ukundi ahariho hose ku isi.
Perezida wa Zambia Mu ruzinduko rwe kandi biteganyijwe ko asura Ikigo Norrsken House Kigali gifatwa nk’izingiro ry’ibikorwa by’ikoranabuhanga muri Afurika.
Arasura kandi uruganda rukora ibiribwa byuzuye intungamubiri by’umwihariko ibifasha mu mikurire y’abana no kurwanya imirire mibi (Africa improved Foods) ruherereye mu cyanya cy’inganda cya Kigali i Masoro.
