Inkuru ya Sam Kabera/Igire.rw
Mu gitondo cyo kuri uyu wa 08/8/2023 mu muhanda Rwamagana-Kigali ahazwi nka Nyagasambu habereye impanuka y’ikamyo yari ivuye mu Gihugu cya Tanzaniya.
Iyi mpanuka abayibonye ikimara kuba bavuzeko yabaye mu rukerera,aho ikamyo yari itwaye utuzingo tw’amabati ifite ibirango bya Tanzania uwari uyitwaye yikanze umukecuru warimo yambukiranya umuhanda,agashaka guhagarara bimutunguye bigateza iyo mpanuka.
Utwo tuzingo tw’amabati bitewe no guhagarara bitunguranye imigozi ituziritse yahise icika duhita dukubita cabine y’imodoka irashwanyagurika.
Kuri ubu uwari utwaye iyi kamyo tutabashije kumenya amazina ye yakomeretse bikabije akaba yahise ajyanwa kwamuganga ngo yitabweho, mu gihe umukecuru warimo yambuka umuhanda igufa ry’ukuguru kw’imoso kwacitse.
Amakuru twamenya kuri iyi mpanuka nicyaba cyayiteye tukaba turayabagezaho.