Igire-Amakuru agezweho
  • Ahabanza
  • Amakuru
    • Mu mahanga
    • Mu Rwanda
  • Imikino
    • Imyidagaduro
  • Politiki
  • ubuhinzi
  • Ubukerarugendo
  • Ubukungu
  • Ubuzima
Reading: Seychelles n’u Rwanda bihuriye ku ntumbero yo kuzamura imibereho myiza y’abaturage – Perezida Kagame
Share
Font ResizerAa
Igire-Amakuru agezwehoIgire-Amakuru agezweho
  • Ahabanza
  • Amakuru
  • Imikino
  • Politiki
  • ubuhinzi
  • Ubukerarugendo
  • Ubukungu
  • Ubuzima
Search
  • Ahabanza
  • Amakuru
    • Mu mahanga
    • Mu Rwanda
  • Imikino
    • Imyidagaduro
  • Politiki
  • ubuhinzi
  • Ubukerarugendo
  • Ubukungu
  • Ubuzima
Follow US
Politiki

Seychelles n’u Rwanda bihuriye ku ntumbero yo kuzamura imibereho myiza y’abaturage – Perezida Kagame

igire
igire Yanditswe June 29, 2023
Share
SHARE

Perezida wa Repubulika Paul Kagame, yatangaje ko Seychelles n’u Rwanda ari ibihugu bisangiye icyifuzo cyo guteza imbere imibereho myiza y’abaturage babyo.

Perezida Kagame ageza ijambo ku banya-Seychelles
Perezida Kagame ageza ijambo ku banya-Seychelles

Umukuru w’Igihugu yabitangaje kuri uyu wa Gatatu, ubwo yatangiraga uruzinduko rw’iminsi ibiri muri Seychelles ari kumwe na Madamu Jeannette Kagame.

Muri uru ruzinduko Perezida Kagame na Madamu, ni abashyitsi b’icyubahiro ba Seychelles mu birori byo kwizihiza isabukuru y’imyaka 47 icyo gihugu kimaze kibonye ubwigenge. Ni ibirori bizizihizwa kuri uyu wa Kane tariki 29 Kamena 2023.

Perezida Kagame na Madamu Jeannette Kagame bakigera muri Sychelles bakiriwe na Perezida Wavel Ramkalawan n’umufasha we Linda Ramkalawan.

Abakuru b’ibihugu byombi bagiranye ibiganiro byabereye mu muhezo, ndetse banayobora umuhango wo gushyira umukono ku masezerano y’ubutwererane hagati y’u Rwanda na Seychelles.

Aya masezerano yashyizweho umukono akubiye mu mu nzego zirimo ubuzima, igisirikare n’umutekano, iyubahirizwa ry’amategeko, ubuhinzi, ubukerarugendo n’ibirebana na Visa.

Perezida Kagame mu ijambo yavuze nyuma y’umuhango wo gusinya amasezerano, yashimangiye ko Seychelles n’u Rwanda bifite intego yo gukorera abaturage, bakagera ku iterambere n’imibereho myiza.

Yagize ati “Seychelles n’u Rwanda bihuriye ku ntumbero imwe yo guteza imbere imibereho myiza y’abaturage, ariko byose bikubakira ku gukorana intambwe ku yindi n’abafatanyabikorwa mu Karere ndetse n’ahandi.”

Perezida Kagame yavuze ko mu biganiro yagiranye na mugenzi we Ramkalawan, bishingiye ku kubakira ku mubano mwiza urangwa n’ubucuti no gushimangira kurushaho guteza imbere ubutwererane mu nzego zifitiye ibihugu byombi akamaro, zirimo ubuzima, igisirakere n’umutekano, ubuhinzi n’ibindi.

Yagaragaje kandi ko yaba Seychelles cyangwa u Rwanda, urwego rw’ubukerarugendo ari urufunguzo rw’iterambere ry’ubukungu.

Perezida Kagame nk’uko byari biteganyijwe ko agomba kugeza ijambo ku Nteko idasanzwe y’Inteko Ishinga Amategeko ya Seychelles, yagaragarije abagize iyo nteko, ko mu gihe umugabane wa Afurika ukomeje gutera imbere, kwishyira hamwe ari ingenzi.

Ati “Mu gihe Afurika ikomeje gutera imbere, kwishyira hamwe kw’akarere bizarushaho kuba ingenzi. Bimwe mu bibazo bikomeye duhura nabyo, byambukiranya imipaka. Byose byakemurwa ku bw’ubufatanye.”

Yakomeje agira ati “Ibihugu byacu byombi bihuriye ku kuba abanyamuryango ba Commonwealth na Francophonie. Binyuze muri iyi miryango dufite uburyo bwo guharanira guhuza inyungu zacu n’uko tubona ibintu.”

Madamu Jeannette Kagame na we yakiriwe na Madamu wa Perezida wa Seychelles, Linda Ramkalawan
Madamu Jeannette Kagame na we yakiriwe na Madamu wa Perezida wa Seychelles, Linda Ramkalawan

Muri uru ruzinduko kandi Madamu Jeannette Kagame na we yakiriwe na Madamu wa Perezida wa Seychelles, Linda Ramkalawan, aho baganiriye ku ngingo zinyuranye zirimo guteza imbere urubyiruko n’abagore.

Ni ku nshuro ya Kabiri Perezida Paul Kagame asuye igihugu cya Seychelles. Ni mu gihe kandi Perezida Ramkalawan na we yasuye u Rwanda muri Kamena 2022, ubwo yari yitabiriye CHOGM.

You Might Also Like

MINUBUMWE yasabye abagororwa b’abagore bagiye kurangiza ibihano ku byaha bya Jenoside kurangwa n’ubumwe

Perezida Kagame yerekanye inkingi 3 Afurika yakubakiraho ikagira umutekano usesuye/AMAFOTO

Gushyira mu ikoranabuhanga inyandiko z’Inkiko Gacaca bizarangira mu 2026

RGB yahagaritse by’agateganyo amasengesho abera ku Ngoro ya Yezu Nyirimpuhwe

360 Mubari barafashwe bugwate na FDLR batangiye gutaha

igire June 30, 2023 June 29, 2023
Share This Article
Facebook Twitter Whatsapp Whatsapp Email Print
Share
Tanga igitekerezo

Leave a Reply Cancel reply

Your email address will not be published. Required fields are marked *

Abo turibo

Tubagezaho amakuru agezweho mu Rwanda, mu Karere kibiyagabigari,muri Afurika no hirya no hino kw'isi

Inkuru iheruka

Perezida Kagame yakiriye ba ambasaderi 11 guhagararira ibihugu byabo mu Rwanda
Mu Rwanda

Contact us

Tel:(+250) 788 433 581
Email:ochentheos@gmail.com
© IGIRE.rw since 2019. All Rights Reserved.
Welcome Back!

Sign in to your account

Lost your password?