Urukiko Rwisumbuye rwa Gasabo mu Mujyi wa Kigali rwasubitse urubanza rw’umunyemari Kabuga Felicien ku ngingo yo gufatira imitungo ye hagamijwe kwishyurwa ibyangijwe muri Jenoside ku ruharerwe.
Ni ikirego cyatanzwe na IBUKA mu rwego rwo gutanga ubutabera buboneye ku barokotse. Abarokotse Jenoside bo bavuga ko ari intambwe ikomeye itewe na IBUKA gutangiza ibikorwa byo kwishyuza imitungo yangijwe muri Jenoside kubera uruhare rutaziguye Kabuga Felicien yayigizemo.
Komiseri ushinzwe ubutabera mu muryango urengera inyungu z’abacitse ku icumu rya Jenoside IBUKA Me Bayingana Janvier avuga ko batanze iki kirego mu ntangiriro z’ukwezi gushize kwa Gatanu.
IBUKA ivuga ko hari imitungo iri mu gihugu imbere ndetse n’indi iri hanze ku buryo igomba gufatirwa.
Biteganyijwe ko urubanza ruzasubukurwa taliki ya 17 uku kwezi.
Uru rubanza ruje mu gihe ku wa Gatatu, rutangaje ko ruhagaritse urubanza rwa Kabuga Felicien kuko nta bushobozi bwo kuburana afite.