Perezida wa Repubulika Paul Kagame, akaba na Chairman w’Umuryango RPF – Inkotanyi, yahuye n’abayobozi bakuru b’uyu muryango mu biganiro byagarutse ku mateka yawo n’uruhare wagize mu guhindura u Rwanda.
Iyi nama yabereye ku Cyicaro cy’Umuryango kizwi nka Intare Arena kuri uyu wa 27 Nyakanga. Muri ibi biganiro, hibukijwe akamaro ko gukomeza gusigasira no kwimakaza indangagaciro za RPF-Inkotanyi, zirimo imiyoborere ishyira umuturage ku isonga, gukorera mu mucyo no kubazwa inshingano.
Perezida Kagame yashimangiye ko izi ndangagaciro ari zo shingiro ry’iterambere igihugu kimaze kugeraho, anasaba abayobozi gukomeza kuzirinda no kuzikurikiza, mu rwego rwo gukomeza guteza imbere u Rwanda no guharanira imibereho myiza y’abaturage.
