Umukinnyi wo gusiganwa ku maguru, Rubayita Siragi yaguye muri Kenya aho yazize abagizi ba nabi bamwishe.
Iyi nkuru y’incamugongo yasakaye ejo hashize ku Cyumweru tariki ya 20 Kanama 2023 ni mu gihe Rubayita we yishwe ku wa Gatandatu w’icyumweru gishize.
Amakuru IGIRE n’uko Rubayita yari amaze iminsi yibera muri iki gihugu cya Kenya, akaba yaritabye Imana ariko kandi akaba atazize uburwayi kuko atari arwaye.
Uwahaye amakuru IGIRE yagize Ati”Rubayia yazize ubugizi bwa nabi aho abagizi ba nabi bamuteze maze bakamwica”
Uyu Rubayita Sirage yari umwe mubakinnyi bakomeye mu mukino wo kwiruka namaguru kuko muri Mutarama 2023, Rubayita Sirage yegukanye umudali wa Bronze nyuma yo kuba uwa 3 muri Huye Half Marathon, icyo gihe yakiniraga NAS.
Muri 2021, Rubayita wari ufite imyaka 34 yitabiriye Walk e Middle Distance Night, Arena Civica, Milano yabereye mu Butaliyani, icyo gihe yegukanye umwanya wa mbere.
Muri Kamena 2023 yitabiriye Kigai International Peace Half Marathon yabereye mu Rwanda i Kigali akaba yarasoreje ku mwanya wa 13.
