Kuri uyu wa Gatanu tariki 16 Kamena, Itsinda ry’abagize ihuriro rishinzwe gukumira Jenoside, ipfobya n’ihakana rya Jenoside yakorerwe Abatutsi mu Nteko Ishinga Amategeko rikumira (AGPF) n’Ihuriro ry’Abanyarwandakazi bari mu Nteko Ishinga Amategeko (FFRP), bayobowe na Perezida w’Inteko Ishinga Amategeko Hon. Donatille Mukabalisa, basuye Intwaza mu rugo rw’Impinganzima mu Karere ka Bugesera.
Iki gikorwa kandi kiri gukorerwa no mu zindi ngo z’impinganzima mu turere twa Huye na Nyanza.
Ni igikorwa cyateguwe n’Abasenateri n’Abadepite bagize Amahuriro ya AGPF na FFRP hagamijwe gukomeza kubegera no kubafata mu mugongo mu gihe cyo Kwibuka Jenoside yakorewe Abatutsi mu 1994, no kwifatanya nabo mu kwibuka biyubaka, bibasubizamo imbaraga n’icyizere cyo kubaho.
Ni mugihe kandi u Rwanda rukiri mu minsi 100 yo Kwibuka Jenoside yakorewe Abatutsi izarangira tariki ya 4 Nyakanga. Iyi minsi ikaba ikorwamo ibikorwa bitandukanye byo Kwibuka.
Manzi Prince