Minisitiri w’Intebe w’u Rwanda Dr Edouard Ngirente yakiriye mu biro bye Minisitiri w’Intebe wa Uganda Madamu Robinah Nabbanja bagirana ibiganiro bigamije guteza imbere ubucuruzi hagati y’ibihugu byombi.
Aba bayobozi kandi baganiriye ku ishyirwa mu bikorwa ry’imishinga ihuriweho n’ibihugu byombi aha harimo nk’umushinga wa gari ya moshi n’amashanyarazi.
Umunyamabanga wa Leta muri Minisiteri y’Ububanyi n’Amahanga Prof. Nshuti Manasseh avuga ko Uganda ifite amashanyarazi menshi kandi ahendutse ku buryo kuyavana muri iki gihugu bizatuma n’igiciro cyayo kigabanuka mu Rwanda.
Prof. Nshuti Manasseh kandi avuga ko ibiganiro byo kubaka gari ya moshi iva Uganda ikagera mu Rwanda bigeze kure akanashimangira ko ubucuruzi hagati y’ibihugu byombi burimo kugenda neza biturutse ku mubano mwiza w’ibihugu byombi.
Minisitiri w’Intebe wa Uganda Robinah Nabbanja ari mu Rwanda nk’umwe mu banyacyubahiro bitabiriye inama ya Women deliver yiga ku ruhare rw’abagore mu iterambere irimo kubera mu Rwanda.
Nabbanja yemeza ko kuba inama nk’iyi irimo kubera mu Rwanda ruri ku isonga mu guteza imbere umugore n’umukorwa ari ibintu by’agaciro.
igire.rw