Nkuko byemejwe n’urwego rw’ubugenzacyaha RIB, Perezida wa FERWAFA afungiye kuri sitasiyo ya RIB ya Kicukiro mugihe iperereza rigikomeje.
Umuvugizi w’urwego rw’ubugenzacyaha Murangira B Thierry, yemeje aya makuru ko Shema Fabrice yafunzwe azira sheke itazigamiye n’ibindi byaha biyishamikiyeho.
Yagize Ati: “Taliki ya 11 Kanama uyu mwaka, RIB yafunze Shema Fabrice akurikiranyweho gutanga sheke itazigamiye, afungiye kuri Sitasiyo ya RIB ya Kicukiro mugihe iperereza rigikomeje ku bindi byaha bifitanye isano nicyo cyaha akurikiranyweho”
Shema Fabrice yatorewe kuyobora FERWAFA tariki 30 Kanama, 2025 avuye muri AS Kigali yari abereye Umuyobozi, ndetse asanzwe ari umushoramari mu byo kwinjiza imiti mu Rwanda.
Shema yafashwe na RIB, mu gihe mu minsi ishize FERWAFA yari yirukanye uwari umucungamari wayo kubera amafaranga yanyerejwe.
