Yanditswe na Bigenimana Didier
Umukinnyi w’icyamamare wa FC Barcelona, Andrés Iniesta, yamaze kubona akazi gashya ko gutoza mu mujyi wa Dubai.
Umunyamakuru w’imikino, Fabrizio Romano, yatangaje ko Iniesta agiye gutangira umwuga we wo gutoza nk’umutoza mukuru wa mbere, aho yemeye kuyobora ikipe ya Gulf United FC ikina muri shampiyona y’icyiciro cya mbere muri Leta Zunze Ubumwe z’Abarabu (UAE).
Romano yavuze ko uyu mugabo w’imyaka 42 yamaze kumvikana n’iyi kipe yo muri Dubai, ku buryo hasigaye gusinya amasezerano gusa.
Iyi kipe yashinzwe mu 2019, kandi yateye imbere byihuse kuko yagiye izamuka mu byiciro bibiri bikurikirana mu 2022 na 2023, kugeza igeze mu cyiciro cya mbere cya shampiyona ya UAE ,kuri ubu muri shampiyona iriho, Gulf United iri ku mwanya wa 10 mu makipe 15, ifite amanota 25 mu mikino 26 imaze gukina, bityo Iniesta azaba afite akazi katoroshye ko kugerageza kuzamura imikorere y’iyi kipe mu mwaka utaha w’imikino.
Urugendo rwa Andrés Iniesta mu mupira w’amaguru rwaranzwe n’amateka akomeye cyane uhereye aho yatangiriye umupira mu ikipe y’abato ya Albacete Balompié hagati ya 1994 na 1996 ,akaba yaravukiye mu gace ka Fuentealbilla mu ntara ya Albacete muri Espagne.
Nyuma yo kwitwara neza mu marushanwa y’abana yabereye i Brunete, Barcelona yahise imutwara mu ikipe yayayo yabakiri bato ya La Masia afite imyaka 12 gusa aho mu mwaka wa 2002 aribwo yaje gutangira gukina mu ikipe nkuru ya FC Barcelona .
Nubwo atakiniye ikipe nkuru ya Albacete, iyi kipe iracyamufata nk’icyamamare cyayo kubera ko ari ho yakuriye, ndetse ikigo cy’imyitozo cya Albacete cyiswe “Ciudad Deportiva Andrés Iniesta” mu cyubahiro cye.
Andrés Iniesta Luján yaje nokuba umukinnyi ngenderwaho w’ikipe y’igihugu cye ya Espagne nyuma yokuva mu ikipe ya FC Barcelona, yerekeje mu ikipe ya Vissel Kobe yo mu Buyapani mu 2018 maze asezerer gukina mupira w’amaguru mu ikipe ya Emirates Club yo muri Leta Zunze Ubumwe z’Abarabu (UAE)tariki ya 8 Ukwakira 2024 afite imyaka 40.
Ibigwi bya Andrés Iniesta Luján mu rugendo rwo gukina umupira wa maguru nk’uwabigize umwuga
Mu ikipe ya FC Barcelona yahakinnye imyaka isaga 16 (2002 – 2018) nyuma abanje mu ishuri ry’umupira wa maguru ry’abana rya Barcelona , La Masia aho yagaragarije ubuhanga bwe akiri muto bituma yisanga mu ikipe nkuru ya FC Barcelona .
Yanakiniye ikipe ya Fc Barcelona Imikino 674 atwarananayo ibikombe bigera 32, aho afatanyije n’abagenzi birimo nka Xavi Hernández na Lionel Messi, yafashije ikipe gutwara ibikombe bikomeye birimo UEFA Champions League inshuro 4,Shampiyona ya Espagne (La Liga) inshuro 9 n’igiombe cy’umwami ( Copa del Rey) inshuro 6.
Mu ikipe y’igihugu ya Spain, Iniesta yabaye intwari ikomeye cyane aho yafashije Espagne gutwara EURO ya 2008 ,Mu gikombe cy’isi cya 2010 yatsinze igitego rukumbi cyahesheje Espagne igikombe cya mbere cy’Isi itsinze u Buholandi ku mukino wa nyuma,Yongeye kandi gufasha Espagne gutwara EURO ya 2012.
Mu 2018, yavuye muri Barcelona ajya gukinira Vissel Kobe yo mu cyiciro cyambere mu Buyapani, aho yakomeje kwitwara neza no gufasha iyi ikipe gutwara ibikombe. , mu myaka itanu yayimazemo (2018 – 2023) yayifashije kwegukana igikombe cy’Umwami w’Abami n’icyirutu ibindi muri icyo gihugu .
Andrés Iniesta Luján muri 2024 yaje kwerekeza mu ikipe ya Emirates Club yakinaga icyiciro cya mbere muri Leta Zunze Ubumwe z’Abarabu (UAE ,aho mwaka umwe yamazemo yayikiniye imikino 23 yose hamwe, atsinda ibitego 5 anatanga umupira 1 wavuyemo igitego arinaho yagejeje ku mukino wi 1,000 mu mwuga we wose wa ruhago ari umukinnyi wa Emirates Club.
igitego cye cya mbere muri UAE Pro League yagitsinze kuri penaliti mu mukino banganyijemo na Ajman ibitego 4-4 ,nubwo Emirates Club yaje kumanuka mu cyiciro cya kabiri, Iniesta yakomeje kwerekana ubuhanga, gutuza no kuyobora bagenzi be mu kibuga.
